1 мин

1300 хүний кредит картын мэдээллийг цээжилж, онлайнаар худалдан авалт хийсэн байжээ

Б.Саруул 2019.09.11 2 1 1

55

Ихэнх хүмүүст зээлийн картынхаа дугаар, дуусах хугацаа, баталгаат кодыг цээжээр санах хэцүү байдаг. Гэтэл саяхан Токиод 1300 хүний зээлийн картын мэдээллийг цээжилж, онлайнаар худалдан авалт хийхдээ ашигласан хэрэг гарчээ. 

34 настай Юсуке Танигучи Токио дахь их дэлгүүрийн тусгай тасаг болон Кото хотын нэгэн дэлгүүрт кассчинаар тус тус хагас цагаар ажилладаг байсан гэнэ. Sora News 24-ийн мэдээлснээр Танигучигийн зурган санах ой (photographic memory) сайтай бөгөөд энэ чадварынхаа тусламжтайгаар хэрэглэгчийн мэдээллийг цээжилдэг байсан гэжээ. Түүний баривчилсны дараа цагдаа нар олон зуун хүний нэр, зээлийн картын дэлгэрэнгүй мэдээллийг бичсэн дэвтэр олджээ. 

Тэрбээр өнгөрсөн гуравдугаар сард мэдээллийг нь цээжилж авсан кредит картаараа 2500 долларын үнэ бүхий эд зүйл онлайнаар худалдан авч, гэртээ хүргүүлснийхээ дараа баригджээ. Сэжигтэн худалдаж авсан эд зүйлээ ломбардад тавьж мөнгө олоод, хэрэгцээгээ залгуулдаг байсан гэж мэдүүлжсэн байна. Токио хотын цагдаагийн газар уг хэргийг үргэлжлүүлэн шалгаж байгаа аж. 

Эх сурвалж: Vice 

Б.Саруул 2019.09.11

55