2 жилийн дотор 4 коллежийн зэрэг хамгаалсан 13 настай хүү
Калифорни мужид амьдардаг Жек Рико хүү өнгөрсөн долоо хоногт Фуллертон коллежийг төгсөж, тус сургуулийн 107 жилийн түүхэнд дэх хамгийн залуу төгсөгч боллоо. Тэрбээр хоёр жилийн дотор түүх, хүний илэрхийлэл, нийгмийн зан байдал, нийгмийн шинжлэх ухаан гэсэн 4 өөр чиглэлээр 4.0 голч оноотойгоор associate зэрэг хамгаалжээ. Associate зэрэг гэдэг нь 2 жил хүртэлх хугацаагаар үргэлжилдэг дипломын дээд боловсрол бөгөөд үргэлжлүүлэн хоёр жил суралцсан тохиолдолд бакалаврын зэрэг олгодог.
Фуллертон коллеж нийт 21 мянган оюутантай бөгөөд "Ийм залуудаа коллежид элсэн суралцдаг хүүхэд ховор тул Жек коллеждоо нэлээд танигдсан. Мөн тэр наснаасаа илүү ухаалаг хүүхэд. Тиймээс би Жекийг Фуллертон коллежид элсэн суралцсанд баяртай байна" гэж тус коллежийн ерөнхийлөгч Грег Шульц ярьжээ.
Жек багаасаа л онцгой хүүхэд байсан гэж түүний ээж Ру Андраде CNN-д ярьжээ. Дөрвөн насных нь төрсөн өдрөөр хүүгээсээ юу хүсэж байгааг асуухад Жек Цагаан ордныг үзэхийг хүсэж байна гэсэн аж. Ру хүүдээ тоглоомоор "Энэ бол дөрвөн настай хүүхдийн хувьд том аялал. Хэрэв чи бүх ерөнхийлөгчийн нэрийг цээжилж чадвал чамайг тийшээ авч явъя" гэж хэлжээ. Гэтэл Жек долоо хоногийн дараа Америкийн бүх ерөнхийлөгч, дэд ерөнхийлөгчийн нэрийг цээжилчихсэн ирсэн гэнэ. Энэ үеэс эхэлж хүү нь бусдаас онцгой гэдгийг Ру анзаарчээ.
Жек Фуллертон коллежид элсэхээс өмнө гэрээр хичээллэж байсан аж. Одоо тэр Невадагийн их сургуульд түүхийн чиглэлээр үргэлжлүүлэн суралцахаар болоод байна.
Эх сурвалж: CNN
Emoboi 2020.05.29 172.69.45.135
Нэг тавчиктайгаа л яваад байхын
0 0 Хариулах
Зочин 2020.05.29 172.69.252.149
guee za yhwede
0 0 Хариулах