2 мин

2019 оны "Miss Universe"-ээр Өмнөд Африкийн мисс Зозибини Тунчи тодорлоо

Тэр энэ жил 26 нас хүрсэн юм.

О.Анхзаяа 2019.12.09

Хэдхэн цагийн өмнө "Miss Universe"-ийн гообүсгүй шалгаруулах тэмцээний ялагч тодорч, Өмнөд Африкийн мисс Зозибини Тунзи титмээ гардан авлаа. 1993 оны есдүгээр сарын 18-нд төрсөн бөгөөд одоо 26 настай.

"Надтай адилхан харагддаг эмэгтэйчүүдийн дунд би өссөн. Над шиг арьстай, яг ийм үстэй. Хэн нь ч үзэсгэлэнтэйд тооцогдож байгаагүй. Өнөөдөр түүнийг зогсоох цаг нь ирсэн гэж би бодож байна. Хүүхдүүд намайг, миний царайг хараад өөрсдийн дүр төрхийн тусгалыг олж хараасай гэж хүсэж байна" хэмээн тэр сүүлд нь ярьсан билээ.

Зөвхөн үзэсгэлэн гоо гэлтгүй авьяас чадвар, ур ухаан, бодол санааг нь давхар шүүж үзэн, дэлхийд авчирч чадах эерэг өөрчлөлтийг нь харж гардуулдаг уг шагнал гардуулах ёслолд түүнтэй цуг титмийн төлөө өрсөлдсөн хоёр бүсгүй Мексик болон Пуэрто-Рикогийн миссүүд байлаа.

Өнгөрсөн жилийн "Miss Universe", Филиппин улсын мисс Катриона Грей титмийг гардуулан өгсөн бөгөөд "Өнгөрсөн нэг жил миний хувьд хэзээ ч мартагдашгүй, амьдралыг минь бүхэлд нь өрөчилсөн гайхалтай үе байлаа" хэмээн дурсан ярьжээ.

Мисс Зозибини Тунчигийн тухай 5 баримт.

1. Тэр бол эмэгтэйчүүд эрх, хүйсийн тэгш байдлын төлөө тэмцэгч, активист эмэгтэй юм.

2. Олон нийттэй харилцах мэргэжлийг бакалаврын зэрэгтэй төгссөн.

3. Тэр эцэг эхтэйгээ маш дотно. Тэмцээн болох өдөр тэр олон нийтийн сүлжээнд эцэг эхдээ зориулсан сэтгэл хөдөлгөм пост хийсэн байна.

View this post on Instagram

I am because you are. You’ve given me life, you’ve raised me to be the woman I am so that I can stand in a far away land proudly knowing where I’m rooted and where I come from. You’ve sacrificed so much and fought battles I don’t even know about, everything so that we could have all the opportunities the Universe has to offer. I am forever grateful and hope to make you proud, every single day of my life! Ndiyabulela, kwaye ndinithanda ngentliziyo yam yonke.❤️

A post shared by Zozibini Tunzi (@zozitunzi) on Dec 8, 2019 at 4:42am PST

4. Тэр Өмнөд Африкийн мисийн тэмцээнд хоёр ч удаа орж байжээ. 2017 онд 26 өрсөлдөгчдийн нэг болж байсан ч хасагдсан бол хоёр жилийн дараа эргэн ирээд ялсан юм.

5. Тэр Нью-Йоркийн загварын 7 хоногт оролцож, тайзан дээр алхаж байсан. Miss Universe тэмцээн болохоос 3 сарын өмнө тэр анх удаа өөр улс орон руу аялж үзсэн нь энэ байсан юм.