Ширээн дээр: "Эвелиний зуух"-наас гарсан шинэхэн бялууг амтлаарай
![Ширээн дээр: "Эвелиний зуух"-наас гарсан шинэхэн бялууг амтлаарай](https://cdn.ub.life/files/f93b2548-0474-4948-a909-b254cee477a8/441a9d799f73f690227ee10b545094b7.jpg)
Улаанбаатар хотод “Hole in the wall” үйлчилгээний газрууд олширсоор л байна. Эдгээрийн нэг болох "Evelyn’s oven"-оор бид зочиллоо.
Байршил
Гутлын 22-р байр буюу Засгийн газрын ордны баруун талд. Байрныхаа урд талаасаа орно.
![](https://cdn.ub.life/files/f93b2548-0474-4948-a909-b254cee477a8/56102b1d066569f65c6c78663f17069f.jpg)
Уур амьсгал
Аз жаргал, инээд хөөр ундарч байдаг бүтээлч айлын гал тогоонд зочилсон мэт сэтгэгдэл төрлөө. Цэвэрхэн, бяцхан, өнгөлөг, гэгээлэг орчин энд бүрджээ. Үүдэнд нь гутлаа тайлаад ормоор санагдаж байв.
![](https://cdn.ub.life/files/f93b2548-0474-4948-a909-b254cee477a8/b69fc1e9beb3ece4a7fad95e2b028ed9.jpg)
Ая, тух
Өмнө нь дурдсанчлан “авсаархан” газар. Гурван ширээтэй, орон зай багатай. Тиймдээ ч хүн багатай, намуухан байлаа. Олон хүн холхисон, дуу чимээ ихтэй газраас зугтдаг хүмүүст яг тохирно. Хажууханд нь гал тогоо нь байрладаг тул шинэхэн бялуу, амттаны үнэр ханхийнэ.
![](https://cdn.ub.life/files/f93b2548-0474-4948-a909-b254cee477a8/bf64278a41e4e8f35190003c6cc1e3b0.jpg)
Хөгжмийн сонголт
Шинэ жилийн уур амьсгалыг бүрдүүлэм Michael Buble-гийн пянз эгшиглэнэ.
![](https://cdn.ub.life/files/f93b2548-0474-4948-a909-b254cee477a8/334d8248fca8b572efcc77b8ada85a6b.jpg)
Онцлох бялуу
Cream Crepe бялуу - 5500₮
Өндөр хүлээлттэй байсан болохоор ч юмуу эхэндээ хүсэж байсан амтанд хүрээгүй. Хөвсгөр, зөөлөн учраас аманд ороод л хайлах мэт. Гэхдээ час хийсэн амт дутагдаад байлаа. Харин гүзээлзгэнийн хавчуургатай нь хамт идтэл яг хүссэн амтыг минь мэдрүүлсэн. Амттан идэх дуртай ч хэт нялуун, чихэрлэг зүйлд дургүй хүмүүст энэ бялууг санал болгож байна.
![](https://cdn.ub.life/files/f93b2548-0474-4948-a909-b254cee477a8/7f021ed1616f1ffe8da038f0f27ab077.jpg)
Нэмж хэлэхэд, захиалга их байдаг тул бялуугаа 3-4 хоногийн өмнө захиалаарай. Шинэ жилийн бялууны захиалгаа удахгүй авч эхлэх юм билээ.
![](https://cdn.ub.life/files/f93b2548-0474-4948-a909-b254cee477a8/f7d1d77a97fa2dae3c6818d07ae6fcdc.jpg)
Магтах зүйлс
Гэрийн жороор хийсэн элдэв нэмэлт амтгүй бялуу.
Муулах зүйлс
Муулах зүйл одоогоор алга. Цаашид бялууныхаа орц, жорны амтыг л бүү алдаасай.
![](https://cdn.ub.life/files/f93b2548-0474-4948-a909-b254cee477a8/d5e37b1da55a2f273933fb8e56d9a3d6.jpg)
Зөөгчдийн “царай”
Эелдэг, соёлтой, цэвэрхэн.
![](https://cdn.ub.life/files/f93b2548-0474-4948-a909-b254cee477a8/547611deee96c7b7e82caaf654e5f59b.jpg)
Instagram зураг хийхэд хэр үзэмжтэй вэ?
Үзэмжтэй. Цонхны тавцан дээрх пянз тоглуулагч, хананд байрлах неон лого, булангийн том толь зэрэг нь зураг авахад үнэхээр үзэмжтэй.
![](https://cdn.ub.life/files/f93b2548-0474-4948-a909-b254cee477a8/7732bb4bf337622add12b8a7e4f48775.jpg)
00-д selfie хийхэд тохиромжтой эсэх?
Тохиромжтой.
Бялуу идэхээс өөр юу хийх боломжтой вэ?
Өөр зүйл хийх боломжгүй.
Холбоосууд:
Фэйсбүүк: Evelyn’s oven
Инстаграм: Evelyn's oven
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
![Ширээн дээр | Kaktus Zone ба "Сарны тэмдэг"](https://cdn.ub.life/files/b672b704-c6de-46c7-b2d6-e1fb6c8442ce/0edd38fcd56c0a5fec8b2bb9700d8d4f.png)
Ширээн дээр | Kaktus Zone ба "Сарны тэмдэг"
![Ширээн дээр | Sizzle 51 Casual Dining and Coffee](https://cdn.ub.life/files/b672b704-c6de-46c7-b2d6-e1fb6c8442ce/01c50216eb5eec8fb9c831b1198db2a1.png)
Ширээн дээр | Sizzle 51 Casual Dining and Coffee
![Ширээн дээр | "Онгироо" их махтай Флэйм](https://cdn.ub.life/files/b672b704-c6de-46c7-b2d6-e1fb6c8442ce/c67d5b538c2bf78d3be5e00269fd7801.jpg)
Ширээн дээр | "Онгироо" их махтай Флэйм
Ийм газар байдаг гэдгийг арай л удаан мэдсэнгүй явжээ.
![Ширээн дээр | Нью-Йорк маягийн пиццаг Улаанбаатарт амтлах боломж](https://cdn.ub.life/files/57/1329a7f6b82888219f30bcadf09b75ff.jpg)
Ширээн дээр | Нью-Йорк маягийн пиццаг Улаанбаатарт амтлах боломж
Нийтэд үйлчилж эхлээд сар ч хүрээгүй хэр нь хэдийнэ олны зорих газар болжээ.