Памела Андерсоны 9 дэх хуримын зургууд ил болжээ
Өдгөө 53 настай жүжигчин, загвар өмсөгч Памела Андерсон DailyMail сайтад ярилцлага өгөх үеэрээ өөрийн бие хамгаалагч байсан Дэн Хайхурсттай өнгөрсөн Зул сарын баяраар нууцаар хуримласнаа зарлаж, хуримын зургуудаасаа хуваалцжээ.
Тэд өнгөрсөн жил хөл хорио тогтоож эхлэх үеэр анх танилцаж, удалгүй дотносжээ. Хос хоёр Памела Андерсоны Канадын Ванкувер арал дахь гэрт хуримын ёслолоо үйлдсэн аж. Цар тахлын улмаас тэдний эцэг эх, найз нөхдийн хэн ч хуримд оролцоогүй бөгөөд шинэхэн хос нутгийн номлогчийг урьж, хуримын тангаргаа өргөжээ.
Памела Андерсон Ванкувер арлын Ледисмит хэмээх жижигхэн хотод төрсөн бөгөөд 2019 оны долоодугаар сараас хойш тэнд амьдарч байжээ. Playboy сэтгүүлийн од өвөөгөөсөө 25 жилийн өмнө худалдаж авсан байшингаа сэргээн засварлахад 1 сая орчим долларын хөрөнгө оруулалт хийсэн байна. Мөн тэр бодибилдингийн тамирчин байсан Дэн Хайхурстыг бие хамгаалагчаар ажилд авсан ч удалгүй хайр сэтгэлийн холбоотой болжээ.
"Өдөр бүр л бал сар шиг өнгөрч байна. Би яг одоо л байх ёстой газраа оллоо. Намайг чин сэтгэлээ хайрладаг эрийн гарт" хэмээн тэр ярьсан байна. Энэ нь түүний ес дэх удаагийн гэрлэлт билээ.
Шинэхэн хосын хуримын гэрэл зургуудыг хүргэж байна.
Эх сурвалж: Daily Mail