3 мин

ҮЕРХЭЛ | "21 хоног таг болох дүрэм" гэж юу вэ?

Ub.life 2021.01.28 12 10 3

30

Та саяхан салсан уу? Эсвэл үерхэж байгаа хэрнээ л тэр таг болчхоод байна уу? Краш тань нэг л "тоохгүй" байгаа юу? Та л түүнийг гэхээс, тэр танд хангалттай сэтгэл гаргахгүй байна уу? Өдөр бүр зурвас, дуудлага хүлээгээд дуртай зүйлээ ч хийж амждаггүй юу? Тэгвэл сэтгэл судлаачдын дуу нэгтэй зөвлөдөг 21 хоног зайгаа барих дүрмийг хэрэгжүүлээд үзээрэй. Харилцааг таслах, сэтгэл хөдлөлөөр гэнэтийн шийдвэр гаргахаас сэргийлэх, өөртөө илүү цаг зарцуулах, түүнтэй танилцахаас өмнөх өөрийгөө ахин "олж авах"-д уг дүрэм чиглэнэ.

"21 хоног таг болох дүрэм" гэж юу вэ?

Товчоор бол та 21 хоног түүнтэй огт харилцахгүй гэсэн үг. Утсаар ярихгүй, зурвас, чат бичихгүй, түүнд хариу өгөхгүй, түүний байж магадгүй газраар явахгүй буюу огт таарах хэрэггүй. Мөн түүний сошиал хаягаар зочлохгүй, шинэ зураг постыг нь байн байн орж харахгүй.

Ямар үр ашигтай вэ?

1. Танд өөрийгөө илүү хайрлах цаг гарна

Заримдаа танд хайртай хүнээсээ хэтэрхий хараат мэт санагдаж байсан уу? Түүний цаг заванд л тохируулах гэсэндээ найзуудтайгаа уулзахаа больж, түүнийг залгаж магадгүй гэсэндээ утсаа дүүртэл цэнэглэдэг.. Гэвч тэр энэ бүхний үнэ цэнийг нэг л ойлгодоггүй... Тэгвэл өөртөө илүү цаг гаргаж, дуртай зүйлсээ хийхэд 21 хоногийн дүрэм тусална.

2. Өөрийгөө илүү ойлгоно

Сэтгэл хөдлөл буурч, харилцаанаасаа зай авахад хүн өөрийгөө илүү сонсож эхэлдэг. Тэр танд "тарган" гэж хэлснээс болж шаналж байсан бол өөрийгөө ойлгож, тийм ч "өөхөн бөмбөг" биш болохоо, өөрийнхөө үнэ цэнийг та ойлгох болно.

3. Хэрэггүй харилцааг мартахад тусална

Цаг хугацаа бүхнийг эдгээдэг. Та түүнээс салах ёстойгоо мэддэг хэрнээ л сэтгэлээ зовоон хамт байдаг байсан бол зоригтойгоор энэ бүхнийг эцэслэнэ. Мөн найз залуу/бүсгүйгээсээ саяхан салсан бол 21 хоногийн дүрэм яг танд тохирно. Эхэндээ хэцүү ч гэлээ, 21 хоногийн дараа та илүү бие даасан нэгэн болсон байх болно.

4. Харилцааг илүү бэхжүүлнэ

Үерхээд удсан, нэгнээ гэх сонирхол буурсан үед харилцаанаасаа зай авах нь нэгэн сорилт болдог. Хүчтэй харилцааг илүү бэхжүүлж, нэгэнт бүтэхгүй харилцааг нэг мөр эцэслэж өгнө. Хэрэв та түүнийг гомдоохыг хүсэхгүй байвал зүгээр л өөрийгөө ойлгуулахад болно. "Бидний харилцаанд би сэтгэл хангалуун байдаг. Гэсэн ч хэсэг завсарлаад үзвэл ямар вэ? Удахгүй уулзъя"

5. "Яах гээд байгаа нь мэдэгдэхгүй" харилцааг ойлгомжтой болгоно

Тэр таныг болзоонд урьдаг ч өөр хүнтэй чат бичдэг... Үерхээгүй хэрнээ л тэр танд сайн гэдгээ хэлсэн... гэх мэт ойлгомжгүй харилцааг илүү тодорхой болгоход тусална.

6. Та түүнгүйгээр ч аз жаргалтай, сайхан амьдарч болно гэдгээ ойлгоно

Та ганцаараа ч хүссэнээрээ амьдарч аз жаргалтай байж чадахаа 21 хоногт ойлгох болно. Түүнтэй хамт хийж чаддаггүй байсан зүйлсээ ч хийж болно. Түүнээс зурвас ирэхийг хүлээхийн оронд утсаа салгаад дуртай номоо барьж аваарай. Амралтын өдөр түүнтэй уулзахын оронд найзуудтайгаа ууланд гараарай. Нөгөө талаасаа та өөрөө түүний үнэ цэнийг ойлгож, харилцааныхаа сайн сайхан талыг илүү мэдэрч ч магад.

7. Түүнд таныг санах хугацаа өгнө

Хүн алдсан хойноо л харамсдаг... гэдэгтэй та санал нийлэх үү? Нэгнээсээ зай авснаар хамтдаа өнгөрүүлсэн сайхан дурсамжаа илүү нандигнах болно.

Эх сурвалж: Vogue.com

Illustrations: Yuval Robichek

Ub.life 2021.01.28

30