1 мин

Гол мөрний мөсөн дээгүүр зорчихгүй байхыг анхааруулж байна

Э.Намуун 2021.01.28

Энэ сарын 26-нд Дорнод аймгийн Буйр нуурт автомашин цөмөрч осол гарсан бөгөөд машин дотор байсан хоёр хүүхэд, хоёр том хүнийг Нөмрөгийн дархан цаазат газрын байгаль хамгаалагчид гарган авч эмнэлгийн анхан шатны тусламж үзүүлж Буйрын тосгонд хүргэж өгсөн байна.

Цаг уурын байгууллагын ирүүлсэн мэдээллээр нэгдүгээр сарын 21-ний өдрийн байдлаар манай орны ихэнх гол мөрөн, нуур битүү мөсөн бүрхүүлтэй, мөсний зузаан эрчимтэй нэмэгдэж байгаа хэдий ч нуурын толио болон гол мөрний нийт уртын дагууд мөсний зузаан харилцан адилгүй байна.

Иймд:

-Цаг хожих, зам товчлох зэргээр мөсөн дээгүүр явах, авто тээвэр хийхгүй байх,

-Бага насны хүүхдийг гол, мөрөн, нуурын мөсөн дээр тоглуулахгүй байж болзошгүй эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Э.Намуун 2021.01.28