1 мин

Энэ 7 хоногийн ЧУХАЛ 7 үйл явдал

Б.Энхцэцэг 2021.01.29

1

Шинэ Ерөнхий сайд, Засгийн газрын бүрэлдэхүүнийг УИХ баталлаа.

2

Засгийн газар эхний ээлжинд -70 градуст хадгалах “Pfizer” вакциныг нийлүүлбэл Монгол Улс 1 сая 847 мянган тун, -20 градуст хадгалах “Moderna” вакцин нийлүүлэхэд 2 сая 358 мянган тун, “AstraZeneca” вакцин нийлүүлэхэд 2 сая 516 мянган тунг хүлээн авах бэлэн байдлыг хангасан хэмээн мэдэгдэв.

3

Хөл хорионы хатуу дэглэмийг нийслэлд хоёрдугаар сарын 5-наас хэрэгжүүлэхээр шийдсэнээ НОК зарлалаа. Нийслэлд коронавирусийн дөрвөн голомт идэвхтэй үргэлжилж байна.

4

Оюутолгойн гэрээг эсэргүүцэн өлсгөлөн зарлаад байсан УИХ-ын гишүүн С.Ганбаатар тав дахь хоногтоо зогсоов.

5

АНЭУ-ын Дубай хотноо болсон "PUBG Mobile-2020" дэлхийн аварга шалгаруулах тэмцээнд Монгол Улсаа төлөөлөн оролцсон цахим спортын "ZEUS" баг гуравдугаар байрт шалгарч 100 мянган ам.доллараар шагнууллаа.

6

0-3 хүртэлх насны хүүхдээ асарч байгаа эхэд хүүхэд асарсны тэтгэмж олгохоор хуульчилсан нь ижил нөхцөлд хүүхдээ асарч байгаа эцгийн тэтгэмж авах боломжийг хязгаарлаж, хүүхдээ асарч байгаа эцэг, эхэд хүйсээс шалтгаалсан ялгамжтай байдлыг бий болгосон гэж үзсэн Үндсэн хуулийн Цэцийн дүгнэлтийг УИХ хэлэлцэж баталлаа.