iOS 14.5: 2021 онд шинээр нэмэгдэж буй эможинууд
Apple компани iOS 14.5 программын шинэчлэлийнхээ хүрээнд Юникод консорциумын 13.1 буюу шинэ багц эможиг хэрэглээнд нэвтрүүллээ.
Тодруулбал, үнсэлцэж буй хос, зүрхтэй хосын эможиг өөр өөр арьсны өнгө, хүйсийн сонголттойгоор ашиглах боломжтой болжээ.
Мөн жендэрийн хувьд төвийг сахисан утгыг илэрхийлэх гурван төрлийн эможи нэмэгдсэн нь сахалтай "хүн", сахалтай "эмэгтэй", сахалтай "эрэгтэй" гэсэн гурван эможи хувилбар юм.
Боолттой зүрх, шатаж буй зүрх (нөхцөл байдлаас шалтгаалаад шархалсан зүрх ч байж мэднэ ) нэмэгдсэн байна.
Үүнээс гадна Apple компани өмнө нь байсан зарим эможиг шинэчилжээ. Жишээ нь, зүү тариурын эможиноос цус дусалж харагддаг байсныг арилгажээ.
Чихэвчний эможиг AirPods Max-аар сольж, хаданд авирч буй хүнд дуулга нэмж өмсгөсөн байна.
Холбоотой мэдээлэл: 2021 онд шинээр 200 гаруй ЭМОЖИ нэмэгдэнэ
iOS 14.2: Шинээр 100 гаруй эможи нэмэгдлээ
Эх сурвалж: The Verge