2 мин

Амьд тоглолтыг нэхэн санаж буй хүний сэтгэлийг өргөх 11 зүйл

Г.Сүрэн 2021.02.18

Амьд тоглолтын сэтгэл сэргээм мэдрэмжийг санаж байна уу? Тэгвэл зүрхэндээ бяцхан тоглолт амилуулцгаая. Дараах аргууд бидэнд тусална.

1. Эхлээд өөрийн хайртай хамтлаг, дуучныхаа цомог, пянз, нэрийн бүтээгдэхүүнийг худалдан аваарай. Цар тахлын хүнд хэцүү үед л тэднийгээ хамгийн ихээр дэмжих хэрэгтэй биш гэж үү?

2. Youtube-ээс хайртай хамтлаг, дуучныхаа амьд тоглолтын бичлэгийг хайж, үзэх тоглолтын жагсаалт үүсгээрэй. Тун ховор, ахин тоглогдохгүй бичлэг олох ч юм бил үү?

3. Хэрэв гэртээ дуу өсгөгчтэй бол хөршүүддээ саад болохооргүй төвшинд тохируулан сонсоорой. Ингэхдээ яг л амьд тоглолтод байгаа мэт бүжиглэж, алга ташин, сэтгэл хөдлөлөө илэрхийлэхээ мартуузай.

4. Бусдад саад болохыг хүсэхгүй бол чихэвчээр ч сонсож болох юм.

5. Хэрэв та видео тоглоом тоглох дуртай бол Minecraft, Animal Crossing гэх мэт платформууд дээр виртуал тоглолт зохион байгуулаарай.

6. Хөл хорионы үеийг ашиглаад дуртай уран бүтээлээ өөрийн чаддаг хөгжмийн зэмсгээрээ тоглож сурч яагаад болохгүй гэж?

7. Мөн сайн мэдэхгүй дууныхаа үгийг уншиж, нэгд нэгэнгүй цээжилж ч болно.

8. Өмнө нь цуглуулсан тоглолт, үзвэрийнхээ тасалбарыг цуглуулан, цахим сүлжээнд дурсамжаа хуваалцаарай. Та ганцаараа биш гэдгээ дорхноо л харах болно.

9. Хайртай хамтлагийн тань зурагтай цамц байгаа юу? Тэгвэл хаа сайгүй өмс.

10. Дуртай хамтлаг, дуучдынхаа тухай илүү их судлаарай. Дахин давтагдашгүй амьдралын түүх, хайртай дууг тань бүтээсэн үйл явдал гэхчлэн сонирхолтой мэдээлэл зүрхийг тань "дэвтээх" болно.

11. Ингээд ч сэтгэл санаа тань дээрдэхгүй байвал тоглолтод очоогүйгээс хэр их мөнгө хэмнэснээ тооцоолоорой. Сэтгэл тань дээрдэж магад. Тоглолтууд дээр уух зүйл хэчнээн үнэтэй байдаг билээ дээ?