Хятадын кино театрууд орлогоороо Америкийн бокс оффисыг давлаа
Цар тахал анх дэгдсэн БНХАУ аажмаар хэвийн амьдралдаа шилжиж байна. Халдварын тархалт намжсан боловч Хятадын эрх баригчид иргэдээ Цагаан сарын үеэр өөр хот, мужууд руу аялахгүй байхыг уриалжээ. Тиймээс хүмүүс Цагаан сарын өдрүүдэд кино театрыг зорих нь эрс нэмэгдсэн гэнэ.
Хоёрдугаар сарын 11-17-ны хооронд Хятадын бокс оффис 1 тэрбум долларын орлого олж, түүхэндээ анх удаа Америкийн бокс оффисыг давлаа. Зөвхөн шинийн нэгний өдөр л гэхэд кино сонирхогчид нийт 260 сая долларын орлого оруулжээ.
Хөл хорионд уйдсан иргэд цагийг зугаатай өнгөрүүлэхийн тулд муу үнэлгээтэй киног ч олон саяараа үзэж байгаа нь Maoyan Entertainment-ийн судалгаанаас харагджээ. Тухайлбал, бокс оффисыг тэргүүлж буй Detective Chinatown 3 кино гэхэд л 10 онооноос 5.7 гэсэн үнэлгээтэй байгаа юм.
Хятадын ихэнх хотуудад сар шинийн баярын өдрүүдэд кино театруудын хүчин чадлыг 75 хувиар хязгаарласны улмаас киноны тасалбар олоход хүндрэлтэй байгаа талаар хүмүүс сошиал орчинд бичиж байна.
Эх сурвалж: Vice