Твиттер дуут мессеж туршиж байна
Твиттерийн хэрэглэгчид илэрхийлэх санаагаа 280 тэмдэгтэд багтаах ёстой байдаг. Зарим тохиолдолд энэ нь хангалтгүй санагддаг билээ. Тэгвэл Твиттер компани дуу мессежийг (DM) туршиж эхэлжээ.
Одоогоор Энэтхэг, Бразил, Японы хэрэглэгчид дуу мессеж ашиглах боломжтой болоод байна. Жиргээчид 140 секунд хүртэлх дуут мессежийг илгээж болох ба шинээр гарсан уг өөрчлөлт IOS, андройд аль аль үйлдлийн систем дээр ашиглаж болох гэнэ.
Дуут мессежийг илгээхээс өмнө хэрэглэгч өөрөө сонсож нягталж болно. Мөн одоогоор вэбээр нэвтэрч буй хэрэглэгчид дуут мессеж илгээх боломжгүй, зөвхөн ирсэн мессежийг сонсож болох юм байна.
Твиттер компан хэзээнээс АНУ болон дэлхийн бусад хэрэглэгчдэд энэ өөрчлөлтийг идэвхжүүлэх нь одоогоор тодорхойгүй байна.
Эх сурвалж: Mashable