1 мин

Англид халдварын тархалт 60 орчим хувиар буурсан ч хүүхдүүд өвчлөх нь нэмэгдэж байна

Б.Саруул 2021.02.18

Их Британид коронавирусийн халдварын тохиолдол сүүлийн нэг сард 60 орчим хувиар буурсан боловч залуучууд, бага сургуулийн хүүхдүүдийн дунд эрчимтэй тархаж байна.

Хэдийгээр тус улсад коронавирусийн шинэ төрлүүд бүртгэгдэж байгаа ч гурав дахь хөл хорио үр дүнгээ өгч, халдварын тохиолдлыг огцом буурч байгаа нь Лондоны Эзэн хааны коллежийн хийсэн React 1 судалгаагаар харагджээ. Тодруулбал, хоёрдугаар сарын 4-13-ний хооронд 200 хүн тутмын нэг нь халдвар авсан бөгөөд энэ нь нэгдүгээр сарын 6-21-ний хоорондох халдварын тохиолдолтой харьцуулахад гурав дахин буурсан үзүүлэлт гэжээ.

Иймд судлаачид өнгөрөгч лхагва гарагт парламентын гишүүдэд хөл хориог сулруулах талаар санал тавьсан байна. Эдинбургийн их сургуулийн халдварт өвчний тархвар судлалын профессор Марк Вулхаус сургуулиуд удахгүй нээгдэх боломжтой, мөн гадаа орчинд халдвар тархах магадлал багассан хэмээн баталж байгаа юм.

Харин зарим мэргэжилтнүүд сургуулиудыг нээхэд нухацтай хандахыг зөвлөжээ. Учир нь, нийт халдварын тохиолдол буурч байгаа ч 5-12 насны хүүхдүүд болон 18-24 насны залуучуудын дунд эрчимтэй тархаж байгаа аж.

Дашрамд дурдахад, Их Британийн эрх баригчид Англид гуравдугаар сарын 8-аас, Шотланд болон Уэльсэд хоёрдугаар сарын 22-оос сургуулиудыг нээхээр төлөвлөж байна.

Эх сурвалж: The Guardian