1 мин

Хүний амьдралд хамгийн их ганцаарддаг 3 насны үе байдгийг судлаачид тогтоожээ

Г.Сүрэн 2021.02.19 4 1 1

10

Хүний амьдралд хамгийн ихээр ганцаардлыг мэдэрдэг 3 үе байдгийг АНУ-ын Калифорнийн Их сургуулийн эрдэмтэд тооцоолон гаргажээ. Хүн бүрийн зан төлөв, гэр бүлийн орчин, хүрээлэн буй нийгэм, амьдралын хэв маягаас хамааран өөр өөр байх ч ихэвчлэн доорх 3 үед хүн хамгийн ихээр ганцаарддаг гэнэ. 

I үе: 27-29 нас

Эхний буюу 20-иод насны сүүл үеэр тохиох ганцаардал нь голдуу амьдралаа шийдвэрлэх, ажил мэргэжлээ нарийн тодорхойлох, гэр бүлийн амьдрал эхлүүлэхтэй холбогдоно.

II үе: 54-56 нас

Удаах үеийг "хижээл насны ганцаардал" гэж нэрлэдэг бөгөөд хайртай дотны хүмүүсээ алдах, найз нөхөдгүй болох, тэтгэвэрт гарч хамт олонгүй болох, санхүүгийн бэрхшээл тулгарах, эрүүл мэндийн хувьд доройтох зэргээс ихэвчлэн шалтгаалдаг гэжээ. 

III үе: 87-89 нас 

 80-аад насны сүүл үеийн ганцаардал нь хайр халамж дутагдах, нийгмээс тусгаарлагдах, бие махбод, мөнгө санхүүгийн хувьд гэр бүлээсээ хэт хамааралтай болох зэргээр тайлбарлагдана. 

"Ганцаардал гэдэг нь ганцаараа байх тухай асуудал огт биш. Ганцаардал гэдэг өөрийн хүсдэг харилцаагаа ойр тойрноосоо авч, хайрлах, хайрлагдах хэрэгцээгээ хангаж чадахгүй байгаа хэрэг юм. Гэвч хүмүүс илүү ухаалаг байснаар өөрийн сэтгэлийн хүчээр ганцаардлыг даван туулах тэмцэх чадвартай. Ганцаардсан хүмүүс өөрсдийн санаачлагаар эхний алхмыг хийж, өөрийгөө зоригтой илэрхийлэх хэрэгтэй" гэж судалгааны багийн ахлах Жесте хэлжээ.

Эх сурвалж: CNN

Г.Сүрэн 2021.02.19

10