Химийн үйлдвэрийн ойролцоох ноход цэнхэр, ногоон өнгөтэй болжээ
ОХУ-ын Дзержинск хотын орхигдсон шилний үйлдвэрийн ойролцоо цэнхэр, ногоон өнгийн ноход үзэгдэх болсон нь шуугиан тариад байна. Уг үйлдвэр нь Москва хотын зүүн захаас 370 км зайтай бөгөөд нийлэг шил, хүчлийн шингэн үйлдвэрлэдэг байжээ.
Нохдыг үйлдвэрийн нунтаг хаягдалд өнхөрсөн гэж таамаглаад байна. Анх энэ оны хоёрдугаар сарын 11-ний өдрөөс эхлэн "ер бусын" өнгөтэй ноход үзэгдэх болжээ.
Одоогоор шинжээчид нохдыг нэг нэгээр нь тусгайлан судалж байгаа бөгөөд ноход эрүүл мэндийн хувьд аливаа асуудалгүй, хоолондоо сайн байгааг мэдээлжээ. Гэсэн ч химийн хортой бодист урт хугацаанд аюултай нөлөөлж болзошгүйг сэрэмжлүүлээд буй.
Эх сурвалж: BBC