1 мин

27 настай дата шинжээч залуу коронавирусийн тархалт судлалын "од" болоод байна

Г.Сүрэн 2021.02.22 2

4

Коронавирусийн тархалт, дата мэдээллийн тухай хамгийн үнэн бодит урьдчилсан дүн шинжилгээг АНУ-ын Санта Кларад амьдардаг 27 настай Юүяанг Гү хийжээ. Тэр дэлхийн тэргүүлэгч судалгааны байгууллагууд, нэртэй эрдэмтдийн тоо баримтаас хувь илүү үнэн бодит дүн шинжилгээг танилцуулсан юм.

2020 оны хавраас эхлэн коронавирус дэлхий дахинд хэрхэн тархаж, хэр олон хүнд халдах магадлалтайг олон улсын байгууллагууд судалж эхэлжээ. АНУ-ын Империал Их сургуулийн судалгааны баг 2020 оны зун гэхэд АНУ-д 2 сая гаруй нас баралт бүртгэгдэнэ гэсэн бол Сиатл мужийн Тархалт судлалын хүрээлэнгээс наймдугаар сар гэхэд тус улсад 60 мянга гаруй нас баралт тохионо гэж таамаглаад байв. 

Гэвч хамгийн их судалгаа шинжилгээтэй гэгдээд байсан эл хоёр тооцооллын аль аль нь бодит байдлаас хол зөрсөн юм. Өнгөрсөн оны наймдугаар сард АНУ-д 160 мянга гаруй хүн коронавирусийн улмаас амь насаа алджээ. Энэ нь 2020 оны хавар дата шинжээч Юүяанг Гүгийн тооцоолж, таамаглаж байсан үр дүн юм. Тэр хиймэл оюун ухааны тусламжтайгаар коронавирусийн дата мэдээллийн веб сайт бүтээж, дэлхий дахинд болон АНУ-д тархах магадлал, вакцинжуулалтын газрын зураг, сэрэмжлүүлгийг хүргээд байна.

Эх сурвалж: Bloomberg

Г.Сүрэн 2021.02.22

4