1 мин

Энэ 7 хоногийн ЧУХАЛ 7 үйл явдал

Б.Энхцэцэг 2021.02.26 2

1

Улсын хэмжээнд хөл хорио тогтоож 11 хоногт явуулсан “Нэг хаалга-Нэг шинжилгээ” ажиллагаа дуусахад нийт 442,303 өрхийг хамруулсан байна. Хөл хориог 23-нд сулруулав.

2

Энэтхэгт үйлдвэрлэсэн вакциныг даваа гаригт оруулж ирснээр манай улсад дархлаажуулалт эхэллээ. Ерөнхий сайд Л.Оюун-Эрдэнэ АстраЗенека вакцины эхний тунг хийлгэв. 

3

Ерөнхийлөгч Х.Баттулга Үндсэн хуулийн цэцэд хүрэлцэн очиж, Төрийн тэргүүний дараагийн сонгуульд оролцох эрхийнхээ тухайд болон түүнийг ийм эрхгүй тухайд гаргаж буй иргэдийн маргаанд байр сууриа тайлбарлалаа. 

4

Төрөлхийн гажиг засах мэс заслын бүх зардал болон хорт хавдрын үеийн тусламж үйлчилгээг 100 хувь Эрүүл мэндийн даатгалын сангаас төлөхөөр болжээ. 

5

Төгрөгийн ханш тогтвортой байх, орон сууцны үнэ өсөхгүй байх хандлага ажиглагдсаныг Монголбанкны ерөнхийлөгч Б.Лхагвасүрэн мэдэгдлээ.

6

Төрийн банк 2020 онд 11 нэр төрлийн зээлийн жилийн хүүг бууруулсан бол энэ удаа дахин 13 нэр төрлийн зээлийн жилийн хүүг 1.2-4.8 хувиар бууруулав.

7

2021-2022 онд их, дээд сургуульд элсэн суралцах хүсэлтэй шалгуулагчдын бүртгэл улс даяар эхэллээ. Энэ жилийн ЭЕШ-ын бүртгэл дөрөвдүгээр сарын 20-ны 18.00 цагт дуусна.

Б.Энхцэцэг 2021.02.26