Меган Мэркл хааны гэр бүлийн шахалтаас болж амиа хорлох бодол төрж байснаа дэлгэлээ
Өнгөрсөн жил ханхүү Харри, түүний гэргий Меган Мэркл нар хааны гэр бүлийн үүргээс татгалзсан билээ. Уг үйл явдлыг хэвлэл, олон нийт Megxit гэж нэрлэн, Сассексийн гүнгийн авхайг шүүж эхэлсэн юм. Меган Мэрклийг ханхүү Харритай болзож, сүй тавихад олон нийт эерэгээр харж, сайшааж байсан ч бие давхар болсон цагаас эхлэн уур амьсгал өөрчлөгдсөн юм. Улмаар хос хоёр өнгөрсөн жилийн нэгдүгээр сард язгууртны хэргэм зэргээ орхих шийдвэрт хүрч, удалгүй АНУ-д амьдрахаар ирсэн билээ.
Ханхүү Харри, түүний гэргий Меган Мэркл нар энэ явдлаас хойш анх удаа хэвлэлд ярилцлага өгч, Сассексийн гүнгийн авхай Их Британийн хааны гэр бүлтэй ямархуу харилцаатай байснаа алдарт хөтлөгч Опра Винфрид илэн далангүй ярьсан нь ихээхэн шуугиан тарьж байна.
Меган Мэркл хааны гэр бүлийн гишүүн болсноос хойш хүнд сорилтуудтай нүүр тулж, эцэст нь амиа хорлох тухай хүртэл бодож байснаа илчилжээ. Тэрбээр "Би ерөөсөө ч шийдэл олж харахгүй байсан. Шөнөжингөө суугаад бодсон ч чухам яагаад энэ бүхэн ийм байдалд хүрснийг би ойлгохгүй байлаа. Ээж, найзууд маань над руу утасдаж "Мег тэд чамайг хамгаалахгүй байна шүү дээ" гээд уйлж байсан" гэжээ.
Түүнчлэн Меган хааны гэр бүлийн гишүүний үүргээс хөндийрөх хүртлээ өөрийгөө торонд орсон юм шиг мэдэрч байсан хэмжээ. Учир нь, Сассексийн гүнгийн авхай паспорт, жолооны үнэмлэхээ ч ашиглах эрхгүй байсан гэнэ.
Үүнээс гадна ханхүү Харри, Меган Мэркл нар Опрад ярилцлага өгөх үеэрээ хүүхдийнхээ хүйсийг зарлажээ. Тэдний хоёр дахь хүүхэд охин бөгөөд энэ зун амаржих аж.
Эх сурвалж: CNN
Зочин 2021.03.09 172.69.252.145
Зөөөзө
0 0 Хариулах
Зочин 2021.03.09 172.69.252.133
энэ худлаа хүүхээн
0 0 Хариулах
Зочин 2021.03.08 162.158.119.44
Хааны гэр бүлийн шахалт биш шүү дээ, ярилцлагаа үзээд зөв орчуулаач ээ. Орчин нөхцөлийн байдал гэсэн шүү
0 0 Хариулах