1 мин
Билли Айлиш шинэ төрхөөрөө инстаграмд шуугиан дэгдээлээ
Анх 2015 онд "Ocean Eyes" дуугаараа хөгжмийн ертөнцөд шуугиан тарьж байсан дуучин Билли Айлишийг бид трэнд болсон ногоон үсээр нь сайн мэднэ. Тэгвэл өдгөө 19 настай залуу дуучин цайвар үстэй зургаа инстаграмд оруулсан нь тэр дороо 20 сая гаруй хандалт авч, инстаграмын бүх цаг үеийн хамгийн их хандалттай 4 дэх пост болжээ.
Богино хугацаанд хөгжмийн ертөнцөд чамгүй амжилт үзүүлээд буй Биллигийн хурц ногоон үсийг "онцгойрох гэж хэт их хичээсэн" хэмээн шүүмжлэх хүмүүс цөөнгүй байлаа. Гэсэн Билли огт хайхарсан удаагүй бөгөөд "Хүсвэл өөрчилнө. Хүсэхгүй бол үгүй" хэмээн хэлж байв.
Энэ онд Билли "Everything I Wanted" дуугаараа Грэммийн хөгжмийн наадмын Шилдэг рекорд шагналын эзэн болсон юм. Мөн "No Time To Die" дуу нь Шилдэг киноны дуу төрөлд тэргүүлснээр залуу дуучин нийт 7 удаагийн Грэммийн шагналтан боллоо.
Эх сурвалж: CNN