Ханхүү Харри, Меган Мэркл нарын тухай 3 ДАХЬ кино бүтээгдэнэ
Их Британийн Ханхүү Харри болон түүний эхнэр Меган Мэркл нар Британий хааны гэр бүлийг албан ёсоор орхисон билээ. Тэгвэл тэдний хааны гэр бүлийг орхиж буй амьдралыг харуулсан "Харри & Меган: Ордноос зугтсан нь!" нэртэй кино бүтээгдэхээр болжээ. Уг кинонд хаан угсаа, гэр бүлийн харьяаллаа орхин Арчи хүүгийнхээ ирээдүйг хэрхэн төлөвлөж буй хосын бодит амьдралыг харуулах юм.
Диана гүнжийн амьдралаас сэдэвлэсэн "The Crown" цувралыг netflix-ээс бүтээсэнчлэн ижил хэмжээний зураг авалт болон төсвийг төлөвлөөд байгаа гэнэ. Өмнө нь Ханхүү Харри болон Меган нарын амьдралаас сэдэвлэсэн хоёр ч кино бүтээгдэж байсан. 2018 онд тэдний эхэн үеийн үерхлийг харуулсан "Харри & Меган: Хаан угсааны романс", 2019 онд гэрлэлтээс сэдэвлэсэн "Харри & Меган: Хаан угсаанд орсон нь" нэртэй баримтат кино тус тус бүтээгдсэн юм.
Шинэ киноны зураг авалт энэ хавар эхлэх бөгөөд ирэх жилийн энэ үеэр цацагдахаар төлөвлөж байна. Харин өмнөх кинонд Ханхүү Харри болон Меган Мэркл нарын дүрийг бүтээсэн жүжигчдийг ахин тоглуулах эсэх нь тодорхойгүй байгаа юм.
Эх сурвалж: BBC