1 мин

Бразилд 24 цагийн дотор коронавирусийн улмаас 4000 гаруй хүн амиа алдлаа

Г.Сүрэн 2021.04.07

Бразил улсад сүүлийн 24 цагийн байдлаар коронавирусээс үүдэлтэй 4000 гаруй нас баралт бүртгэгдсэн нь өнгөрсөн хугацаан дахь хамгийн өндөр тоо юм. Эмнэлгүүд ачааллаа дийлэхээ байж, зарим бүсийн иргэд эрүүл мэндийн тусламж үйлчилгээ авч чадахгүйд хүрчээ.

Тус улсад өнгөрсөн оноос хойш коронавирусийн улмаас нийт 337,000 хүн амь насаа алдсан бол АНУ-д 556,000 хүн нас баржээ. Ерөнхийлөгч Жаир Болсонаро өвчний дэгдэлтийг багасгахын тулд хөл хорио тогтоохыг эсэргүүцсээр буй. Хөл хорио тогтоосноор эдийн засгийн хямрал болж, вирусээс ч илүү хүнд аюулд иргэдийг учруулна гэж тэр үзжээ.