Crazy Rich Asians киноны од Хенри Голдинг анхны хүүхдээ өлгийдөн авчээ
Crazy Rich Asians киноны жүжигчин Хенри Голдинг аав болжээ. Түүний эхнэр Лив Ло гуравдугаар сарын 31-нд эсэн мэнд амаржсан тухай хосууд тус тусын инстаграмаараа дамжуулан мэдэгдсэн байна.
Лив Ло амаржсаны дараах зургаа оруулаад "Гуравдугаар сарын 31-нд бидний амьдрал бүрмөсөн өөрчлөгдлөө" хэмээн биччээ.
Харин Хенри Голдинг гэр бүлийнхээ шинэхэн гишүүнтэйгээ хамт авахуулсан хар цагаан зургийг инстаграмдаа оруулжээ.
Өдгөө 34 настай жүжигчин эхнэртэйгээ 2010 оны шинэ жилийн өмнөх өдөр танилцаж, анхны харцаар дурлаж байсан аж. Хос хоёр 2016 онд хуримласан бөгөөд өнгөрсөн арваннэгдүгээр сард хүүхэдтэй болсон тухайгаа мэдэгдсэн билээ.
Одоо 35 настай Лив Ло нь Тайванийн Тайчунг хотод төрж өссөн ба түүний ээж тайвань, төрсөн эцэг нь итали хүн гэжээ. Тэрбээр Fox Movies Asia телевизийн хөтлөгч төдийгүй йога болон эрчимт дасгалыг хослуулсан FitSphere хэмээх сургалтын хөтөлбөрийг санаачлагч юм.