2 мин

Марк Цукерберг WhatsApp-ийн өрсөлдөгч Signal мессенжерийг хэрэглэдэг болохыг тогтоожээ

Ub.life 2021.04.07 1

2

Өнгөрсөн бямба гарагт кибер аюулгүй байдлын чиглэлээр үйл ажиллагаа явуулдаг Hudson Rock компанийн Технологи хариуцсан захирал Алон Гал твиттерт нэгэн жиргээ оруулжээ. Тэрбээр 2019 онд ил болсон фэйсбүүкийн 533 сая хэрэглэгчийн мэдээлэл одоог болтол интернэтэд ил байгаа талаар мэдээлсэн байна. 

Нийт 106 улсын фэйсбүүк хэрэглэгчдийн утасны дугаар, бүтэн овог нэр, байршил, төрсөн өдөр, и-мэйл хаяг, фэйсбүүк нээсэн он сар гэх мэт хувийн мэдээллүүд ийнхүү өнөөг хүртэл интернэтэд байсаар байгаа нь дуулиан тарьж байна. 

Тэгвэл алдагдсан мэдээллүүд дунд Фэйсбүүк компанийн үүсгэн байгуулагч Марк Цукербергийн мэдээлэл багтсан болохыг кибер аюулгүй байдлын судлаач Дэйв Уолкер олж тогтоожээ. 

Үүгээр зогсохгүй Марк Цукерберг WhatsApp-тай өрсөлдөгч Signal мессежний аппликэйшнийг ашигладаг болохыг түүний гар утасны дугаараар дамжуулан болж мэдсэн байна. 

In another turn of events, Mark Zuckerberg also respects his own privacy, by using a chat app that has end-to-end encryption and isn't owned by @facebook

This is the number associated with his account from the recent facebook leak. https://t.co/AXbXrF4ZxE

— Dave Walker (@Daviey) April 4, 2021

Фэйсбүүк компанийн мэдэлд байдаг WhatsApp мессенжер нь нууцлал, аюулгүй байдлын талаас сүүлийн үед ихээхэн маргаан дагуулж байгаа билээ. Тэрнээс гадна WhatsApp-ийн хэрэглэгчийн мэдээллийг Фэйсбүүкийн сүлжээтэй нэгтгэх мэдээлэл гарсны дараа хэрэглэгчид өөр платформ руу шилжиж эхэлсэн. Тэдгээрийн нэг нь нууцлалын тал дээр илүү найдвартай гэгддэг Signal мессенжер юм. 

Харин Фэйсбүүкийн босс өрсөлдөгч компанийнхаа мессенжерийг хэрэглэдэг тухай мэдээлэл цахим орчинд цацагдсан нь ярианы халуун сэдэв болж байна. 

With the May 15th WhatsApp Terms of Service acceptance deadline fast approaching, Mark leads by example:https://t.co/Mt5YksaAxL

— Signal (@signalapp) April 6, 2021

Эх сурвалж: Mashable 

Ub.life 2021.04.07

2