1 мин

Вакцин хийлгэсэн дүнгээр 65-69 насныхан тэргүүлж, 25-29 насныхан сүүл мушгиж байна

Ub.life 2021.06.16

Эрүүл мэндийн яамны ээлжит мэдээллийн үеэр ЭМЯ-ны хэвлэлийн төлөөлөгч Б.Ууганбаяр “Вакцинд хамрагдах идэвх сул байгаа дээрх насны иргэд буюу 18-34 насныхан халдварт хамгийн их өртөж байгаа төдийгүй бусдад халдвар тараах эрсдэл их байна” гэлээ. Харин 65-69 насныхан вакцинд хамгийн идэвхтэй хамрагдаж байна. 

Өнөөдрийн байдлаар вакцины бүрэн тунд хамрагдсан иргэдийн тоо Улаанбаатар хотод 845,271 болж нэмэгдсэн бол орон нутагт 822,578 болж өслөө. Ийнхүү Улаанбаатар хотод вакцины бүрэн тунг хийлгээгүй 100,000 гаруй хүн,  орон нутагт 300,000 орчим хүн үлдэж байна. 

Улсын хэмжээнд долдугаар сарын 1-н гэхэд насанд хүрсэн 2,067,292 иргэнийг бүрэн дархлаажуулахаар төлөвлөснөөс өнөөдрийн байдлаар 91.8 хувь нь вакцины эхний тунг хийлгэсэн бол 80.7 хувь нь бүрэн тунг аваад байна. 

Ub.life 2021.06.16