1 мин

Аль ч вакцин үйлдвэрлэгч гурав дахь тун хийх зөвлөмж өгөөгүй

Ub.life 2021.08.18

Эрүүл мэндийн яамнаас цаг үеийн асуудлаар мэдэгдэл хийлээ. Энэ үеэр ЭМЯ-ны Судалгаа, төлөвлөлтийн хэлтсийн дарга Б.Бумдэлгэр гурав дахь тунтай холбоотой мэдээллийг өгсөн юм. 

Тэрбээр "Вакцины гурав дахь тунгаа хийлгэсэн ч халдвар авах магадлалтай. Энэ бол зөвхөн тухайн хүний дархлалын түвшингээс хамаарна. Манай улс тахлын тэргүүн эгнээнд ажиллаж буй хүмүүстээ АстраЗенека вакцины гурав дахь тунг сайн дураар хийх болсон. Энэ нь тухайн хүмүүсийн биед үүссэн эсрэг биетийн түвшинг л нэмэгдүүлэх зорилготой.

Олон судалгаанаас харахад вакцин хийлгэснээс хойш зургаан сарын дараа эсрэг биетийн хэмжээ буурч байгаа. Монгол Улс ч энэ төрлийн судалгааг хийсэн. Тус судалгаагаар, вакцин хийлгэснээс хойш хоёр сарын дараа цусанд шинжилгээ хийхэд эсрэг биетийн хэмжээ буурсан үр дүн гарсан. Гэхдээ дархлаа хамгаалах түвшиндээ байгаа. Түүнээс гадна, аль ч вакцины үйлдвэрлэгчийн зүгээс гурав дахь тунг хийх талаар албан ёсны зөвлөж өгөөгүйг хэлье.

Ub.life 2021.08.18