Хайх зүйлээ бичнэ үү

2 мин

Өөрийн мэдэлгүй бусдыг түлхдэг 6 ХАНДЛАГА


Та өөрийгөө зөв илэрхийлж чаддаг уу? Заримдаа бусдад буруугаар ойлгогдож, тайлбар хийж чаддаггүйн улмаас тэр чигээр нь орхичихдог уу? Өөрийн мэдэлгүй бусдад таагүй сэтгэгдэл үлдээж, сэтгэлдээ хайрладаг хүнээ ч өөрөөсөө түлхчихдэг юм биш биз? Тэгвэл дараах шинж тэмдгүүдийг анхааралтай уншаарай. 

#1 Бусдыг сонсдоггүй

Харилцан ярианы явцад зөвхөн та ярьж, нөгөө хүн тань үргэлж сонсдог бол уг харилцаа төдий удаан үргэлжлэхгүй л болов уу. Зөвхөн өөрийгөө сонирхдог хүн бусдад хүндлэгдэж, хайрлагдаж чадахгүй. Бусдыг чин сэтгэлээсээ сонирхож, өдрөө хэрхэн өнгөрүүлсэн тухай нь асуудаг нэгэн байгаарай. 

#2 Хэтэрхий их шүүмжилдэг

Үг хэлэх бүртээ л танаас шүүмжлэл, зөвлөгөө хүлээн авдаг хүн тантай удаан "зууралдахыг" хүсэхгүй. Хэдий тус дэм хүргэхийг хүссэн байлаа ч, утга учиргүй шүүмжлэл хямдхан хараалын үгээс ялгаагүйг санаарай. Бусдын сайн сайхныг олж харах нь танд ч сайхан байх болно. 

#3 Хэтэрхий "сөрөг"

Болохгүй, бүтэхгүй, хэзээ ч үгүй... Эдгээр үгийг хэлэх дуртай бол хүмүүс танаас зугтаах нь аргагүй. Хүн төрөлхийн сайн сайхан, өөдрөг гэгээлэг зүйлд татагддаг шигээ муу муухай, сөрөг зүйлсээс ч төвөгшөөдгийг бүү мартаарай. 

#4 Бусдын анхаарлыг татаж чаддаггүй 

Сөрөг таагүй зан чанараас гадна өөр нэг үл тоомсорлуулах шалтгаан бол хэтэрхий сул дорой байх юм. Үгээ товч тодорхой, зоригтой хэлдэг, үзэл бодолтой, хүчирхэг хүнд хүмүүс өөрийн эрхгүй татагддаг бол сул дорой хүмүүс хэдий сайхан сэтгэлтэй байлаа ч үл тоох хандлагатай байдаг. Зөөлөн эелдэг байж болох ч хэлэх үгээ хэлчихдэг хүчирхэг нэгэн байгаарай. 

#5 Хэлэх үгээ хэтэрхий их анхаардаг

Та олон нийтийн дунд хэлэх үгээ заавал боддог уу? Ингэж хэлбэл яах бол, буруугаар ойлгох болов уу гээд л шаналдаг уу? Хэлэх үггүй хүн дуугүй байдаг шиг та ч бас дуугаа хураачихвал хүмүүс "Хүсэхгүй байгаа юм байлгүй" гэж бодохоос аргагүй. Дуртай таатай байгаагаа үг, үйлдлээрээ илэрхийлж байгаарай. 

#6 Асуудал танд биш, тэдэнд байгаа

Дээрх бүх шалтгаанаас үл хамааран, хүмүүс таныг үл тоосоор л байвал магадгүй танаас шалтгаалаагүй байж мэднэ. Тиймээс бусадтай халуун дотно, сэтгэлийн харилцаа үүсгэхийг хүсвэл асуудал чухам юунд байгааг тунгаагаад үзээрэй. Та бусдыг өөрчилж чадахгүй ч өөрийгөө өөрчилж чадна.  

Эх сурвалж: Psych2go.net

Хамгийн их уншилттай
1
2021.09.24
"Squid Game" кинотой холбоотой хамгийн хөгжилтэй 16 пост
2
2021.09.28
"Squid Game" киноны жүжигчин И Жон-жэгийн тухай 14 сонирхолтой баримт
3
2021.09.28
Габби Петитод юу тохиолдов? | Түүний хэргээс суралцах хортой харилцааны тухай 10 зүйл
холбоотой мэдээ
1
2021.10.12
Философи | Зэн Буддизм ба гэрэлт цох
2
2021.10.11
Сэтгэлзүйн эрүүл мэндээ хамгаалахын тулд ЯГ ОДООНООС хийх 6 зүйл
3
2021.09.28
Габби Петитод юу тохиолдов? | Түүний хэргээс суралцах хортой харилцааны тухай 10 зүйл
санал болгох
1
3 өдрийн өмнө
Энэ 7 хоногийн хөгжилтэй постууд: Сонгууль, Эрээний боомт, Юнител
2
3 өдрийн өмнө
UB.LIFE-ийн туршилт: Яг одоо хэдэн төгрөг зээлж чадах вэ?
3
3 өдрийн өмнө
Муур эзэнтэйгээ "эх үрийн холбоогоор" ээнэгшин дасдагийг судалгаагаар тогтоожээ

Энэ мэдээнд өгөх таны сэтгэгдэл?
2
0
1
0
0
0
0
1

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.