1 мин

Шүршүүрт давсгаа суллаж яагаад болохгүй вэ?

Ж.Мөнхзул 2021.08.23 2 2 1

4

Зарим хүн шүршүүрт давсгаа суллахад ямар ч асуудалгүй байдаг бол зарим нь үүнийг заваан гэж үзэх нь бий. Энэ тухай мэргэжлийн эмч юу өгүүлснийг сонирхуулъя. Үнэндээ заваан эсэхтэй хамаагүй, эрүүл мэндийн шалтгаан байдаг байх нь. 

Бостон хотын урологич, доктор Алисиа Жеффри Томас усанд орж байхдаа шээх нь хожим хойно муу үр дагавартай болохыг тайлбарлажээ. Давсаг шингэнээр дүүрч, давсагны хананууд тэлж эхлэхэд бидний тархинд шээх хэрэгтэй гэсэн гол дохио ирдэг. Үүний хажуугаар амьдралын дадал зуршлаас үүдэлтэй бусад жижиг дохионууд мөн адил давсгаа суллахыг тархинд маань сануулж, сургасан байдаг байна. Жишээлбэл хүн суултуур дээр бүрэн суух үед, биеэ суллан тавирах үед шээс саадгүй гарах боломжтой боллоо гэдгийг тархи хүлээж авдаг. Үүнтэй адилхан, хэрэв бид шүршүүрт зогсож байхдаа илүүдэл шингэнээ гадагшлуулаад сурчихвал тархи цаашид усны чимээ хүлээж авуутаа давсгаа суллах автомат үйлдэл хийдэг болчих аюултай аж. Мөн зориулалтын суултуур дээр суулгүй, босоогоороо шээх нь мөн тархинд ийм байж болно гэдэг шинэ мэдээлэл өгч болох тул аль болох шүршүүрээ хаагаад, суултуур дээрээ сууж байхыг зөвлөжээ. Ялангуяа давсаг, аарцагны булчин суларч ирэх насанд энэ нь асуудал үүсгэж болзошгүй тухай эмч дурджээ. 

Ташрамд Алисиа Томас эмч өөрийн Тик Ток болон Инстаграм хаягаа идэвхтэй хөтөлж, аарцаг болон бөөрний замын эрүүл мэндийн зөвлөгөөнүүдийг хөгжилтэй хэлбэрээр өгдгөөрөө танигдсан юм. Түүнийг дагавал олон хэрэгтэй мэдээлэл авч чадна.  

Ж.Мөнхзул 2021.08.23

4