Паралимпын наадамд оролцож буй Монголын баг жүдо бөхийн төрлөөр тэмцээнээ эхлүүллээ.
Эрэгтэйчүүдийн 60 кг-д зодоглосон С.Ядамдорж эхний тойрогтоо Гүржийн З.Зурабианиг цэвэр ялсан ч Казахстаны А.Сариевт вазаригаар ялагдлаа. Тэрбээр дараагийн барилдаанд ялбал хүрэл медалийн төлөө барилдах юм.
Харин 66 кг-д зодоглосон А.Мөнхбат эхний даваанд Австралийн У.Фиппсийг цэвэр ялж, шөвгийн наймд үлдэж, Украины жүдоч, жиндээ дэлхийн чансааг тэргүүлж буй Д.Хоравад үүрэх мэхээр цэвэр ялагдаж мөн дагахаар боллоо. Тэрбээр дагах барилдаанд Японы Южиро Сетотой таарсан бөгөөд түүнийг хожвол хүрэл медалийн төлөө барилдана.
