ABBA хамтлаг эргэн нэгдэж, шинэ цомгийн ажилдаа оржээ
40 гаруй жилийн дараа анх удаа ABBA хамтлаг шинэ дуунуудаа цацаж, хөгжмийн ертөнцөд эргэн ирэлтээ хийлээ.
"ABBA Voyage" цомгийн эхлэл болсон хоёр шинэ дуугаа тэд хэдхэн хоногийн өмнө цацсан юм.
Үүгээр ч зогсохгүй тэд шинэ тоглолтоо хийхээр төлөвлөж байгаа бөгөөд энэ нь ABBA-гийн гишүүдийн дижитал хувилбар байх юм. Холограм биш илүү дэвшилтэд арга ашиглан өөрсдийн дүрийг бүтээж, 2022 оны 5 сарын 27-нд Лонон хотын Хатан хаан Элизабетын олимпын паркад 10 шинэ дуутай амьд тоглолт хийнэ гэнэ.
Шведийн дуучин, дуу зохиогч, ABBA хамтлагийн гишүүн Бьорн Ульвеус, Бенни Андерссон нар анх бусдыгаа энэ санааг хүлээн зөвшөөрөхгүй хэмээн бодож байснаа хуваалцжээ.
"Бид бусдыгаа энэ саналыг хүлээж авна гэж бодоогүй. Зөвшөөрөөгүй байсан ч ойлгох байсан боловч тэд зөвшөөрсөн. Учир нь тэд ч бас аливаа юмсыг бүтээлч байдлаар хардаг хүмүүс" гэжээ.
2017 онд хамтлаг дижитал байдлаар 2019 онд гарч ирнэ гэсэн мэдээ гарч байсан. Гэвч хойшилж, 2018 онд шинэ хоёр дуу гарах гэж байгаа тухай мэдээлсэн билээ. Мөн тун удахгүй нэмж гурван дуу гаргаж, сонсогчдоо баярлуулна хэмээн мэдэгджээ.