Оросын Холбооны Улсын Сонгуулийн төв комиссын урилгаар Монгол Улсын Сонгуулийн ерөнхий хорооны гишүүн Г.Байгалмаа, Сонгогчийн боловсрол, сургалтын төвийн дарга Б.Оюумаа нар энэ сарын 17-19-нд явагдсан ОХУ-ын Төрийн Думын сонгуульд албан ёсны ажиглагчаар оролцжээ.
Цар тахлын үетэй давхацсан уг сонгуулийн санал авах ажиллагааг санал авах байр болон цахимаар зохион байгуулснаараа онцлогтой юм. Төрийн Думын сонгуульд нийт 5800 хүн, 23 нам, эвсэл өрсөлдөж, дэлхийн 55 улсын 250 ажиглагч оролцсон байна.
Дашрамд, манай улс цаашид сонгуулийн санал хураах ажиллагааг цахимаар явуулах боломжийг Сонгуулийн ерөнхий хороо судалж, энэ талаар эрх зүйн зохицуулалтыг бий болгох саналыг УИХ-д хүргүүлээд байгаа юм.
