Реппер Lil Thug-E (Г.Төгөлдөр)-ийн хандивын аянд нэгдээрэй
Реппер, ая зохиогч, продюсер Lil Thug E буюу Г.Төгөлдөр цусны цочмог хорт хавдартай болох нь оношлогдоод байна. Эл өвчин нь Монголд эмчлэгдэх боломжгүй бөгөөд маш яаралтайгаар чөмөг шилжүүлэн суулгах мэс засал хийлгэх шаардлагатай болжээ.
“Одоо”, “Хавар”, “Анзаарахгүй” зэрэг гайхалтай дуунуудаар нь бидний сайн мэдэх Г.Төгөлдөр нь уран бүтээлийнхээ үг болон аяыг өөрөө бүтээж, дотоод ертөнцөө бүхэлд нь тольдон харуулсан хурц шийдэмгий үгс, сэтгэлийн гүнээс нь ундран гарах уран яруу шүлгээрээ сонсогч түмний зүрх сэтгэлд шууд хүрсээр ирсэн нь урлагийн ертөнцөд цоо шинэ өнгө төрхийг нэмсэн билээ. Мөн олон арван хамтлаг дуучдын хит уран бүтээлийн аяыг бүтээн туурвиж, орчин цагийн хөгжмийн өнгө төрхийг 29 насандаа тодорхойлж яваа нь цаашид Монголын урлагийн ертөнцөд нэгэн өөрийн гэсэн шинэ урсгалын эхлэлийг тавиад байгаа юм.
Гэвч цусны хорт хавдар гэх энэхүү хүнд аюулт өвчин нь залуу насыг үл харгалзан Г.Төгөлдөрийг тойрч гарсангүй, цаг үеийн хүнд хэцүү байдалтай зэрэгцэн бид бүхний өмнө тулгаран ирлээ.
Өнөөдөр дэлхий дахинд цусны хорт хавдар нь нэн хүнд өвчинд тооцогдож байгаа хэдий ч олон улсын хэмжээнд чөмөг шилжүүлэн суулгах мэс заслыг амжилттай хийлгэснээр энэхүү өвчин нь эмчлэгдэх боломжтой нь батлагдаад буй.
Түүний эмчилгээний төлбөр нь эхний байдлаар нийт 650’000’000 төгрөг болох бөгөөд найз нөхөд, гэр бүл, хип хопын ертөнц, Монголын ард түмнээсээ цуглуулах #BigLIFEforLilTHUGE хандивын аянд нэгдэхийг уриалж байна.
Түүний хит дуунуудаас хүргэж байна:
Lion 2021.09.24 202.70.46.20
Much love you you all! Хамтдаа даваад гарна <3
0 0 Хариулах