Хайх зүйлээ бичнэ үү

2 мин

Уран гулгалт | Дэлхийн аварга А.Щербаковагийн олимпын мөрөөдөл ганхав уу?


2021 оны уран гулгалтын дэлхийн аварга, ОХУ-ын алдарт дасгалжуулагч Этери Тутберидзегийн багийн гол тамирчин Анна Щербакова энэ улирлын анхны олон улсын тэмцээндээ оролцсон нь сонирхогч, мэргэжилтнүүдийн анхаарлын төвд байлаа. Өнгөрсөн амралтын өдрүүдэд болсон "Budapest Trophy" хэдийгээр жижигхэн тэмцээн боловч гранпри тэмцээнүүд эхлэхээс өмнө сорилго, олимпын улиралд хэн ямар өнгөтэй байгаа вэ гэдгийг харж болно гэдгээрээ "том" байсан юм. Ялангуяа Анна Щербакова очсон учраас тэр. 

Өнгөрсөн жил Оросын уран гулгалтын алдарт гурвалаас Алена Косторная, Александра Трусова нар дуулиантайгаар дасгалжуулагчаа орхиход Этеритэй үлдсэн ганц нь Анна Щербакова байсан. Өнөөх хоёр буруу шийдвэр гаргаснаа ухааран эргэж ирэхэд Анна л ганцаараа өмнөх формоо хадгалж үлдсан байж, улмаар тухайн оны хамгийн том тэмцээн болох Дэлхийн аваргын алтан медалийг өөрийн болгож чадсан юм. Дөрөв эргэлттэй лутц, флип үсрэлтийг чадамгай хийдэг, үзүүлбэрийн гүйцэтгэл гаргуун, Этеригийн багийн хамгийн тогтвортой амжилттай тамирчинд оросууд бол айсуй олимпын алтан медалийг хүзүүнд нь бараг зүүгээд өгчихсөн байлаа. 

Гэтэл Анна "Budapest Trophy" тэмцээнд дөрөв эргэлттэй флип үсрэлтийг гүйцэтгэхдээ унаж, бусад үсрэлтүүддээ ч жижиг алдаанууд олон гаргаж, гүйцэтгэлийн оноо хасуулсаар нийлбэр дүнгээр 222,73 оноо авсан нь жижиг тэмцээнд ердөө мөнгөн медаль хүртэх л амжилт байлаа. Энэ бол түүний 2019 оноос хойших хамгийн муу амжилт. Харин аваргын алтан медалийг өөр нэгэн орос, тэр дундаа өнөөх л Этери Тутберидзегийн залуухан шавь Майя Хромых хүртэв. Тэр Аннагийн гүйцэтгэж чадаагүй дөрөв эргэлтийг гурвалсан эргэлттэй залгуулан хийсэн нь томоохон "мэдэгдэл" байлаа. 

Майя Хромыхын гүйцэтгэл төгс байгаагүй, тэр ч бас өөр нэгэн дөрөв эргэлтийг гүйцэтгэхдээ унасан хэдий ч "алдаатай үзүүлбэрээр" Дэлхийн аварга Анна Щербаковаг ялж чадаж байгаа нь олимпын улирлын гол шуугианыг тарихаас яах вэ. 

Үнэндээ Анна өөрийн гол зэвсэг болох дөрөв эргэлтийг 2021 оны гуравдугаар сараас хойш алдсан. Дэлхийн аварга болохдоо ч тэр дөрөв эргэлт хийхдээ унасан билээ. Өнгөрсөн есдүгээр сард болсон Оросын тест, сая "Budapest Trophy"-гийн бэлтгэлийн болон тэмцээний үеэр ч энэ үсрэлтийг алдаагүй гүйцэтгэж чадаагүй. Хэрвээ Анна Щербакова дөрөв эргэлтээ алдаагүй гүйцэтгэж чадахгүй бол олимпод байтугай жижиг тэмцээнд ч түрүүлж чадахгүй гэдгийг саяын тохиолдол харууллаа. 

Бээжин - 2022 олимпын уран гулгалтын эмэгтэйчүүдийн ганцаарчилсан төрөлд ОХУ-ыг төлөөлөн оролцох гурван тамирчны квотыг хэн, хэн авах нь улам ээдрээтэй болсоор байна даа. 

"Budapest Trophy" тэмцээний эмэгтэйчүүдийн ганцаарчилсан төрөл: 

1. Майя Хромых (ОХУ) - 224.91

2. Анна Щербакова (ОХУ) - 222.73

3. София Сомадурова (ОХУ) - 190.91


Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
1 цагийн өмнө
Кёкүшюүзан: Би Хакүхогийн төлөө тэмцэнэ
2
3 цагийн өмнө
Монголын багууд 3х3 сагсан бөмбөгийн Азийн цомын эхний тоглолтдоо хожлоо
3
7 цагийн өмнө
Олимпын хошой алтан медальт Юи Охаши "Парис-2024" олимпод оролцох эрхээ авлаа
санал болгох
1
7 цагийн өмнө
Зүгээр л тухла | М Харилцагчийн төвийн онцлох 4 зүйл
2
Өчигдөр
Таны ордыг илэрхийлэх кинонууд: Melancholia, Suspiria, Bande à Part
3
Өчигдөр
Өнөө цагийн сэтгэл татам жүжигчдийн нэг Сидней Свинигийн тухай 19 баримт

Энэ мэдээнд өгөх таны сэтгэгдэл?
0
0
0
0
0
0
0
0