1 мин

Агаарт агуулагдах PM 2.5 тоосонцор зөвшөөрөгдсөн ДЭЭД хэмжээнээс 14.6 ДАХИН их болжээ

Г.Сүрэн 2021.11.29

2

Өнөөдрийн /2021.11.29/ 13:00 цагийн байдлаар Улаанбаатар хотод байршуулсан 16 агаарын чанар хэмжигчийн 14 нь бохирдолтой гэх үзүүлэлтийг зааж байна. Хайлааст орчимд "их бохирдолтой", 1-р хороолол орчим "бохирдолтой" байгаа бол бусад бүсийн заагч "бага бохирдолтой" байгааг Agaar.mn сайтаас харж болох юм. 

Харин дэлхийн агаарын чанарын (IQair.com) сайтын мэдээллээс үзвэл 3 бүс "маш их бохирдолтой", 4 бүс "бохирдолтой", 3 бүс "бага бохирдолтой" байна. 

Хамгийн их бохирдолтой хотуудын жагсаалтад Пакистаны Лахор хот 410 буюу "аюултай" хэмжээний бохирдолтойгоор бичигдэж байгаа бол Монгол Улс 8-т бичигджээ. 

Яг одоо Улаанбаатар хотын агаарт агуулагдах PM 2.5 индекс нь ДЭМБ-ийн зөвшөөрсөн дээд хэмжээнээс 14.6 дахин их байна. 

Агаарын чанар нь улаан төвшинд хүрсэн үед - Удаан хугацаагаар гадаа байхад нийт хүн амын эрүүл мэндэд сөрөг нөлөө илэрнэ.

Агаарын чанар нь улбар шар төвшинд хүрсэн үед - Хэт мэдрэг хүмүүсийн эрүүл мэндэд сөрөг нөлөө илэрнэ. Зүрх судас, амьсгалын замын архаг өвчтэй, ялангуяа гуурсан хоолойн багтраа өвчтэй хүмүүс нөлөөлөлд илүү өртөнө. 

Тиймээс гадаа орчинд агаарын чанар муудсан үед дараах зөвлөгөөг даган мөрдөхийг ДЭМБ-аас зөвлөж байна. 

- PM 2.5 тоосонцроос хамгаалах амны хаалт тогтмол зүүж, 2 цаг тутам сэлгэх;

- Дотор орчинд агаар цэвэршүүлэгч суурилуулж, агаар цэвэршүүлэгч тасалгааны ургамал тарих;

- Тоосонцор хуримтлуулдаг хивс, хивсэнцэр хэрэглэхгүй байх

- Үсээ боох, бохирдол хуримтлагдахаас сэргийлэх

- Чийгтэй цэвэрлэгээ байнга хийж, тоосжилтыг багасгах

- Дархлаагаа дэмжих хоол хүнс хэрэглэх

- Хүүхдээ агаарын бохирдолтой үеэр салхилуулах болон дараах зөвлөгөөг даган мөрдөөрэй. 

Эх сурвалж: Agaar.mn, IQAir.com, ДЭМБ

Г.Сүрэн 2021.11.29

2