Жижиг, дунд үйлдвэр, үйлчилгээ эрхлэгчдэд зориулсан хөнгөлөлттэй зээл олгож эхэллээ
Нийслэлийн жижиг, дунд үйлдвэр, үйлчилгээ эрхлэгчдэд зориулсан жилийн 4.8 хувийн хүүтэй хөнгөлөлттэй зээл олгохоор зээл хүсэгчдийн материалыг хүлээн авч эхэллээ. Тус хөтөлбөрийг Инвескор ББСБ болон “Риотинто Монголиа” ХХК хамтран хэрэгжүүлж буй.
Зээл олгож эхэлсэнтэй холбогдуулан Нийслэлийн “Жижиг, дунд үйлдвэр, үйлчилгээг дэмжих төв” НӨҮГ болон, Инвескор ББСБ-аас Нийслэлийн есөн дүүргийн ЖДҮҮДТ-ийн мэргэжилтнүүд болон ЖДҮҮ эрхлэгчдэд зээлийн хөтөлбөрийн талаар мэдээлэл өглөө.
Хөнгөлөлттэй зээлд хамрагдах хүсэлтэй иргэд, аж ахуйн нэгжүүд харьяа дүүргийнхээ “Жижиг, дунд үйлдвэр, үйлчилгээг дэмжих төв”-д хандан зөвлөгөө авч, зээлийн материалаа бүрдүүлж өгөх боломжтой.
Нийслэлийн ЖДҮҮ эрхлэгчдийн хөгжлийн төвийн байршлыг доорх линкээс авна уу.