Metaverse орчинд болзох шинэ төрлийн үйлчилгээг Tinder нэвтрүүлнэ
Metaverse орчинд болзох Tinderverse гэх шинэ төрлийн үйлчилгээг хөгжүүлж буй талаар Tinder компаний захирал Ренате Нюборг мэдээллээ. Хамгийн том болзооны аппликейшн гэгддэг Tinder нь 75 сая хэрэглэгчтэй бөгөөд Metaverse орчинд болзох үйлчилгээ нь хөгжүүлэлтийн сүүлийн шатанд явж байгаа гэнэ.
"Tinder-ийн нууцлалын бодлогын дагуу Tinderverse-ийг ч хэрэглэгчийн хүсэл сонирхлын дагуу бүтээнэ. Хэрэглэгч өөрийн Metaverse дотор бүрдүүлсэн аватараар бусадтай холбогдож, хоёр хэрэглэгч хоёулаа нэгэндээ таалагдаж буюу "match" болсон нөхцөлд тэднийг виртуалаар уулзуулна" гэж Ренате мэдэгджээ.
Tinder-т Swipe Nights гэх цэс нэмэгдэх бөгөөд тохирсон хүмүүс дундаас ижил сонирхолтой, хоорондоо тохирох магадлалтай хүмүүсийг холбох хиймэл оюун ухаан ажиллах гэнэ.
Эх сурвалж: Reuters