Хүмүүс сэрүүн байх цагийнхаа 30 хувийг утсаа оролдож өнгөрүүлж байна
Хүмүүс өдөрт дунджаар 4.8 цагийг гар утсаа оролдож өнгөрүүлж байгаа ба үүний 70 хувийг нь сошиал, зураг, видео аппликэйшнд зарцуулдаг гэх тооцооллыг App Annie мониторингийн фирм гаргажээ. Энэ нь 2019 онтой харьцуулахад 30 хувиар өссөн үзүүлэлт юм. Тэд Энэтхэг, Турк, АНУ, Япон, Мексик, Сингапур, Канад зэрэг 10 орны хэрэглэгчдийг судалж үзсэний үндсэн дээр дээрх тооцоог гаргасан байна.
Уг тайланд дурдсанаар, Дэлхий нийт 2021 онд гар утсанд зориулсан аппликэйшнийг 230 тэрбум удаа татаж, аппликэйшнээр дамжуулсан үйлчилгээнд 170 тэрбум доллар зарцуулжээ.
Мөн өнгөрсөн онд хоёр сая шинэ аппликэйшн, тоглоом зах зээлд шинээр нэвтэрч, жилд 100 сая доллараас дээш орлого олдог аппликэйшний тоо 20 хувиар нэмэгдсэн байна.
Түүнчлэн TикТок нь дэлхий даяар хамгийн их татагдсан аппликэйшн болсон бөгөөд 2020 онтой харьцуулахад хэрэглээ нь 90 хувиар өсчээ. 2022 оны гуравдугаар сар гэхэд TикТокыг идэвхтэй хэрэглэгчдийн тоо 1.5 тэрбум давна гэж таамаглаж байгаа юм.
Эх сурвалж: BBC
Зочин 2022.01.13 36.90.170.133
buunuru boliyoo iim baidgaa hha
0 0 Хариулах