Н.Төгсцогт, Сакари Лукас нарын тулаан тэнцээгээр өндөрлөв
Монгол Улсын гавьяат тамирчин, сонирхогчдын боксын олимп, дэлхийн АШТ-ий мөнгөн медальт, мэргэжлийн боксын IBO холбооны 57,2 кг жингийн дэлхийн аварга Н.Төгсцогт болон Намиби улсын тамирчин Сакариа Лукас нарын тулаан шүүгчийн шийдвэрээр тэнцэв. Н.Төгсцогт мэргэжлийн рингэнд 14 тулаан хийхдээ 12 ялж, хоёр ялагдсан амжилттай байсан юм. Түүний өрсөлдөгч "Цөлийн шуурга" хочит Сакари Лукас мэргэжлийн боксын IBO холбооны аварга бөгөөд өмнө нь 26 тулалдаж, 25 ялаад байв. Уг тулаан АНУ-ын Нью Жерси мужийн "Borgata Hotel& Casino , spa" цогцолборт өчигдөр явагдсан юм.
Угтаа Н.Төгсцогт АНУ-ын боксчин Виктор "Vicious" Пасильястай тулалдах байсан ч Пасильяс коронавирусийн халдвараар өвдсөн тул тулалдах боломжгүй болсноор өрсөлдөгч нь ийн солигдсон билээ.