1 мин

Швед улс ХУДАЛ мэдээлэлтэй тэмцэх "Сэтгэл зүй хамгаалах агентлаг"-тай болжээ

Г.Сүрэн 2022.01.25 2

2

Олон нийтийн цахим сүлжээ өргөжин хөгжих тусам батлагдаагүй, худал, буруу ташаа мэдээлэл түгэх нь дэлхий дахинд нэмэгдсээр байна. Харин Швед улсын Засгийн газрын харьяанд шинээр байгуулагдсан "Сэтгэл зүй хамгаалах агентлаг" нь ард иргэдийнхээ сэтгэл зүйн эрүүл мэндэд анхаарч, буруу ташаа мэдээлэлтэй тэмцэх гэнэ. 

"Бидний тэргүүн зорилго бол үзэл бодлоо чөлөөтэй илэрхийлэх эрхийг ханган, эрх чөлөө, тусгаар тогтнолоо бэхжүүлэхийн сацуу ард иргэдийнхээ сэтгэл зүйн эрүүл мэндийг хамгаалах юм" гэж тус агентлагийн сайтад бичжээ.

Карлстад хотод байрлах уг агентлагийн төлөөлөгч "Худал мэдээлэл нь сэтгэл зүйд асар их аюултай. Олон нийтийн үзэн ядалт, уур бухимдлыг дэвэргэхийн зэрэгцээ нийгмийг илүү хэврэгхэн болгодог. Хүмүүсийн өдөр тутмын зан үйлд нөлөөлж, илүү бухимдалтай, аз жаргалгүй байх гол хүчин зүйл болдог. Тиймээс хүн бүхэн ямар мэдээллийг аль эх сурвалжаас авч буйгаа анхаарч, мэдээллийн боловсролтой байх хэрэгтэй" гэжээ. 

Дэлхийн Эрүүл Мэндийн байгууллагаас 2020 онд коронавирусийн халдварын үед цахим орчинд түгж буй буруу ташаа мэдээллийг “infodemic” хэмээн нэрлэж сэрэмжлүүлж байв. Шведээс гадна хэд хэдэн Европын орон цар тахлын жилүүдэд ташаа мэдээлэлтэй тэмцэх бодлого хэрэгжүүлж эхэлжээ. 

Холбоотой нийтлэл: Зөвхөн өөрт хэрэгтэй мэдээ мэдээллээ хүлээн авах 5 АРГА

Эх сурвалж: CTV

Г.Сүрэн 2022.01.25

2