"Яг түүн шиг-2022" шоу нэвтрүүлгийн эхний дугаар өчигдөр орой цацагдаж, үзэгчдийг цэнхэр дэлгэцийн өмнө уялаа. Шинэ дугаарын оролцогчид хэн хэн шиг байсныг харцгаая.
Дуучин, жүжигчин, комедиан С.Зоригт поп гүнж Бритни Спирс болон хувирч, чадварлаг дууллаа. Харин түүний дүрийг Annabelle-тэй илүү адилхан болсон гэнэ шүү.
Жүжигчин Баярмаа дуучин Т.Ариунаа болон хувирч, Хөх Монголын үр сад уран бүтээлийг толилууллаа. Гэхдээ зэрвэс харвал Шрекийн дараах дүртэй адилхан санагдаж байлаа.
Дижитал хамтлагын Эрка Жорж Майкл болон уянгалаг хоолойгоороо биднийг уяраалаа. Тэр яг үнэндээ мөн л Шрекийн ханхүү шиг харагдаж байгааг та анзаарсан уу?
Хөтлөгчид хүртэл "яг түүн шиг" болсон байна шүү.
Баргил хоолойт Баянаа дуучин Бейонсе болон хувирч, тайзыг доргиолоо. Түүний буржгар шар үс эрхгүй Brave хүүхэлдэйн киноны дүрийг санагдуулаад авлаа.
Дуучин Чойжоо Харангын Лхагвааг дуурайсан үзүүлбэр танд таалагдсан уу? Нүдний шил зүүчихвэл яг түүн шиг байгаа биз?
Никитон хамтлагийн дуучин Мишээлийг хаанаас нь ч харсан Мэрайя Кэритэй усны дусал мэт ижилхэн болжээ.
МУГЖ дуучин Наран гайхалтайгаар рэппер Jessi болон хувирч, яг түүн шиг шоуны 2022 оны анхны дугаарын ялагч боллоо.
Дараагийн дугаарт оролцогчдын сугалсан, хувирах дүрүүд:
Чойжоо- Snoop dogg
Зори- Звери
Баянаа- Сосорбарам
Уянга- Болд
Баярмаа- Рианна
Эрка- Элвис Пресли
Мишээл- Цэцэ
Наран- Weeknd
