1 мин

"Биднийг аварга болгосонд баярлалаа, Лучо"

У.Чинзориг 2022.05.16 1

2

Өнгөрсөн шөнө явагдсан "Атлетико Мадрид" болон "Севилья"-ийн тоглолтын үеэр Ванда Метрополитано цэнгэлдэх хүрээлэнд сүүлчийн тоглолтдоо оролцсон Луис Суарезийн уйлж суугаа зураг, талархлын захидлуудын хамт цахим орон зайд тархав. Харин цэнгэлдэх дотор "Биднийг аварга болгосонд баярлалаа, Лучо" гэсэн бичиг бүхий самбарууд хаа сайгүй дэрвэж, нижигнэсэн алга ташилтаар "Атлетико"-гийн хөгжөөн дэмжигчид Суарезийг үдлээ. Учир нь Суарез ирэх сард "Атлетико Мадрид" клубтэй үзэглэсэн гэрээгээ эцэслэж, үнэгүй явах болсноо зарлаад буй билээ. Суарез одоогоор Америкийн багуудаас түүн рүү илгээх саналыг ойшоохгүй байгаа бөгөөд харин түүний нэн тэргүүний зорилго Европын лигт үргэлжлүүлэн тоглох юм. 

Өдгөө 35 настай Уругвай довтлогч "Атлетико"-д хоёр улирлыг өнгөрүүлэхдээ 65 тоглолтод оролцож, 32 гоолыг оруулсан. Тэрбээр өнгөрсөн улирлын Ла лигт 21 гоолыг бүртгүүлж, "Атлетико" цомыг 11 дэх удаагаа өргөхөд чухал үүргийг гүйцэтгэсэн юм. Харин түүнээс өмнө "Барселона"-д зургаан улирал тоглосон. Тэнд Аваргуудын лиг болон Европын супер цом, Клубуудын ДАШТ-д түрүүлж, Ла лиг болон Копа Дел Рей-д тус бүр дөрвөн удаа түрүүлсэн билээ. 

У.Чинзориг 2022.05.16

2