"Хар толь" цувралын 6-р бүлгийн анги бүр "бие даасан кино мэт" байна
Британийн алдарт "Хар толь" (Black Mirror) цувралын шинэ бүлэг бүтээгдэхээр болсон тухай Variety мэдээллээ. 2019 оны зун сүүлийн 5-р бүлэг цацагдсанаас хойш 3 жил өнгөрсөн ч шинэ бүлгийн тухай кино баг мэдээлээгүй байсан юм. Технологийн хэт дэвшил хүн төрөлхтөнд нөлөөлж буй өөр өөр сонирхолтой түүхийг өгүүлэх уг цувралын шинэ бүлэг өмнөхүүдээсээ илүү олон ангитай байх бөгөөд анги бүр бие даасан кино шиг 60 минутын урттай байх гэнэ.
"Хар толь" цуврал нь дангаараа Netflix-т 100 сая ам.долларын ашиг орлого авчран, "San Junipero", "USS Callister", "Bandersnatch" зэрэг ангиуд нь Эммигийн кино наадмаас шагнал хүртэн, антолог хэлбэрээр бүтээгдсэн шилдэг цувралын нэгд тооцогддог билээ.
Эх сурвалж: Variety