1 мин

Винни Пух баавгайн дүр бүхий "Blood and Honey" аймшгийн кино бүтээхээр болжээ

Г.Сүрэн 2022.05.27 1

Хүүхдүүдийн хайртай Винни Пух баавгайн дүр бүхий “Winnie the Pooh: Blood and Honey” нэрт аймшгийн төрлийн киног найруулагч Рис Фрейк Уотерфилд бүтээхээр болсон тухай Variety мэдээллээ. 

Шинэ кино нь Дисней продакшний бүтээл биш бөгөөд Диснейн 1926 оны Британийн зохиолч А.А.Милнегийн Винни Пух баавгайн дүрийг ашиглах уран бүтээлийн албан ёсны эрх нь 2021 онд дуусан, олон нийтийн чөлөөтэй ашиглах санд багтсан юм. Шинэ киноны багийнхан баавгайн түүхийг ахин "өөрөөр" бичин ийнхүү ирэх онд цацахаар болжээ.  

Пух баавгай Кристофер Робинд орхигдон аймшгийн дүр болон хувирч, аймшигт гэмт хэргүүдийг хийж буй тухай кино өгүүлэх юм. Найруулагч Рис Фрейк Уотерфилд ярилцлагадаа "Насанд хүрсэн Кристофер Робинд орхигдсон Пух баавгай, Пиглет гахай хоёрын амьдрал тун хэцүүднэ. Тэдэнд өмсөх хувцас, хоол ч олдохгүй тул өсөж том болсон дүрүүд аймшгийн зүйлс хийнэ" гэжээ. 

IMDb-д орсон киноны танилцуулгаас үзвэл жүжигчдийн бүрэлдэхүүнд дараах нэрт жүжигчид багтжээ. 

Киноны трейлерээс цацагдсан зургууд:

Эх сурвалж: Variety

Г.Сүрэн 2022.05.27