Надад нэг санал байна

"Би Нэгдий" өдөрлөгөөс онцлох нь: Төртэй төрийн хэлээр ярьж суръя

У.Чинзориг

2 жилийн өмнө

Залуус дуу хоолойгоо илэрхийлэн, хамтдаа хэлэлцэж, мэдлэг мэдээлэл сонсоно, улмаар оролцоотой, сонирхолтойгоор өнгөрүүлэх "Би Нэгдий" өдөрлөг яг одоо Үндэсний Соёл амралтын хүрээлэнд байрлах White Rock Center-д үргэлжилж байна. 

Тус өдөрлөгийн үеэр “Бодлогод залуусын хяналт” ТББ-ын захирал Т.Амарзаяа мэдээлэл танилцууллаа. Тэрбээр "Бодлого боловсруулах үйл явц дараах байдлаар өрнөдөг. Нэгдүгээрт,  асуудлаа тодорхойлж, түүнийгээ асуудал болгон дэвшүүлэх, дараа нь бодлогын хувилбаруудыг боловсруулж, бодлогоо томъёолох, улмаар шийдлийг сонгох, ингэснээр бодлогын дизайнаа боловсруулна. Түүний дараагаар бодлогын хэрэгжилтийн мониторинг хийгдэж, хамгийн сүүлд үнэлгээ хийдэг. Залуучуудын хөгжлийг дэмжих тухай хууль бодлогын дизайн дээр алдчихсан. Бид үнэлгээ хийж үзэхэд энэ хууль үндсэндээ хэрэгжихгүй байгаа нь харагдсан. Учир нь бодлогын дизайн дутуу буюу залуучуудын хөгжлийг дэмжих санг одоо ч байгуулаагүй байна. Тэгэхээр санхүүжилт байхгүй гэсэн үг. Хариуцлагатай төр, иргэний оролцоо нэгдэж сайн засаглалыг бий болгоно. Төртэй төрийн хэлээр ярьж суръя. Харин хэн нэгний нэрнийх нь үсгийг гээж бичээд шүүмжилбэл юу ч өөрчлөгдөхгүй. Хүн доромжлуулаад байгалийн жамаар хамгаалалтын систем нь ажиллаж эхэлнэ. Бусдыг сонсох, ойлгохыг хүсэхгүй өөрийгөө өмөөрч эхэлдэг. Бүтээлчээр сайн засаглалыг бий болгохын тулд бодлого боловсруулах үйл явцыг ойлгож оролцох хэрэгтэй” гэв.

 "Би нэгдий" залуусын өдөрлөгөөр уулзацгаая.

#USAID #IRI #TAF #SWYEEPPM #B1D #Бинэгдий

ЭНЭ МЭДЭЭНД ӨГӨХ ТАНЫ СЭТГЭГДЭЛ?

1

0

2

0

0

0

0

0

---

СЭТГЭГДЭЛ БИЧИХ

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Сэтгэгдэл илгээх