Хайх зүйлээ бичнэ үү

2 мин

Габриэл Жесүс 45 сая фунт стерлингээр "Арсенал" клубт зарагдлаа


"Манчестер Сити" клубийн Бразил довтлогч Габриэл Жесүс "Арсенал"-д нэгдэхээр нөхцөлөө бүрэн тохиролцжээ. "Арсенал" клуб түүнийг 45 сая фунт стерлингээр худалдан авч, 2027 он хүртэлх таван жилийн гэрээнд гарын үсэг зурах аж.
Энэ зун "Боруссиа Дортмунд" клубээс Эрлинг Хааландыг авахын тулд 51 сая фунт стерлингийн хөрөнгийг зарцуулсан "Манчестер Сити" дараагийн томоохон наймаа болох "Лийдс"-ийн Калвин Филлипсийн тохиролцоог эцэслэхийн тулд 45 сая фунт стерлинг шаардлагатай болсон бөгөөд Габриэлийг зарснаар энэ наймаа хурдан хугацаанд дуусах болно. 

Гэхдээ Габриэл "Сити"-д хэзээ ч гол тоглогч байсангүй. Түүнийг эхэндээ Агуэрогийн сэлгээнд суулгасан бөгөөд мөн Агуэрог явсны хойно хагас хамгаалагчдыг довтолгооны байрлалд түлхүү ашиглах болсон билээ. Габриэл "Манчестер Сити"-гийн төлөө 236 тоглолтод 95 гоол оруулж, 46 гоолын дамжуулалт өгсөн үзүүлэлттэйгээр багаа орхиж байна. Тэрбээр 2017 онд "Сити"-д 27 сая фунтээр ирсэн бөгөөд Премьер лигт дөрвөн удаа түрүүлж, аваргуудын лигээс мөнгөн медаль хүртэж байв. Мөн өдгөө дөнгөж 25 настай хэдий ч Бразилийн шигшээ багийн төлөө хэдийн 56 тоглолтод оролцож, 19 гоолыг оруулсан ба тивийнхээ аварга болон олимпын наадамд түрүүлээд буй юм.
Түүний олон талт тоглолтын хэв маяг, хувийн ур чадвар Артетагийн сэтгэлийг урьдаас эзэмдсэн бөгөөд магад түүний тактикт илүү тохирч болох юм. Хамгийн чухал нь Габриел "Арсенал"-д нэгдсэнээр "Барселона"-г зорьсон Пьер-Эмерик Обамеянг болон ирэх сард "Лион"-той гэрээ байгуулах Александр Лаказеттийн орон зай Их буучдад эзгүйрээд байсныг нөхөх юм. Ирэх улиралд Аваргуудын лигийн эрхээ авахын төлөө гол анхаарлаа хандуулах "Арсенал"-д Габриэл чухал хүн байх болно.

Сануулахад, найман жилийн өмнө 17 настай Габриэл Жесүс 2014 оны хөлбөмбөгийн ДАШТ-ий өмнө гудамжаа цэвэрлэж, хана будаж зогссон билээ. Гэхдээ түүнд гайхалтай зүйлс тохиолдож, "Манчестер Сити"-гээс санал ирсэн нь залуу авьяастныг дэлхий нийтэд нээсэн үйл явдал болж байв.

Хамгийн их уншилттай
1
2022.07.26
Видео: Лэйди Гага руу тоглолтын үеэр шидсэн зүйл үл үзэгдэх хамгаалалтад ойжээ
2
2022.07.22
Сургууль руу халдаж магадгүй хэмээн сэрэмжилж өөрийн хүүгээ цагдаад мэдэгджээ
3
2022.07.15
Крис Хемсворт Натали Портмантай үнсэлцдэг хэсгийн зургийг авалтад орохын тулд махнаас т...
холбоотой мэдээ
1
1 цагийн өмнө
Бадминтоны олимпын эрхийн оноо олгох тэмцээн Улаанбаатарт болно
2
2022.08.08
Уран гулгагч Юзүрү Ханю өөрийн албан ёсны "YouTube" сувагтай боллоо
3
2022.08.02
Сөрөг мэдрэмжийг эерэг болгож тайван амрахад туслах 10 бичлэг
санал болгох
1
21 цагийн өмнө
СУДАЛГАА | Чинээлэг, ядуу хүмүүсийн хоорондох нөхөрлөл ядуурлыг бууруулдаг
2
23 цагийн өмнө
Олон улсын "Excel" программын аварга шалгаруулах тэмцээн болжээ
3
Өчигдөр
25 жил сэтгэл гутралаар шаналсан блоггерийн зөвлөж буй 12 "эрүүл" дадал

Энэ мэдээнд өгөх таны сэтгэгдэл?
1
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.