Засгийн газар: Ойн хөнөөлт шавжтай тэмцэхэд хоёр тэрбум төгрөгийг зарцуулна
Монгол Улсын хэмжээнд энэ оны тавдугаар сарын тооцооллоор 730 мянган га талбайд ойн хөнөөлт шавж тархсан байна. Хөвсгөл аймагт хамгийн их нь буюу 327 429 га талбайд хөнөөлт шавж ихээр үүрлэжээ. Нэн ялангуяа Якобсоны төөлүүр эрвээхэй, шинэсний шилмүүс хуйлагч эрвээхэй гэсэн хоёр зүйлийн шавж нийтдээ 732.7 мянга га газарт голомт үүсгээд буй юм. Тиймээс ойн хөнөөлт шавжтай тэмцэхэд Засгийн газрын нөөц хөрөнгөөс хоёр тэрбум төгрөгийг зарцуулахаар шийдвэрлэсэн аж.
БОАЖ-ын сайд Б.Бат-Эрдэнэ “Хөнөөлт шавжтай тэмцэхэд зориулж энэ онд БОАЖЯ-ны төсөвт 650 сая төгрөг төгрөг суулгасан. Энэ хөрөнгөөр Улаанбаатар хот, Булган, Хөвсгөл, Архангай аймагт хөнөөлт шавжтай тэмцэх ажлыг хийж дуусгасан” хэмээн мэдээллээ.