Барилдах хугацааг 1-4-ийн даваанд 15, 5-10-ын даваанд 20 минутаар тогтоов
Ардын хувьсгалын 100, 101 жилийн ой, Үндэсний их баяр наадмын хүчит бөхийн барилдааны нэгийн даваанд 1024 бөх зодоглолоо. Хүчит бөхийн барилдааны баруун, зүүн жигүүрийг Хөдөлмөрийн баатар, гавьяат тамирчин, дархан аварга Б.Бат-Эрдэнэ, дархан аварга Г.Өсөхбаяр нар тэргүүлэв.
Улсын баяр наадмын үндэсний бөхийн барилдааны хоёр бөхийн барилдаан үргэлжлэх үндсэн хугацааг дараах байдлаар тогтоожээ.
- Нэгээс дөрвийн даваа тус бүр 15 минут
- Таваас арвын даваа тус бүр 20 минут.
Наадамчин олон, баяр наадмыг үл хүндэтгэх, төрийн ёслол, зан уламжлалыг зөрчсөн үйлдэл хийсэн, учраа бөхөө санаатай гэмтээх тохиолдолд тухайн бөхийн барилдах эрхийг хоёр жил хүртэлх хугацаагаар хасах дүрэмтэй байна.
Улс байгуулагдсаны болон Ардын хувьсгалын тэгш ой тохиож буй өнөө жилийн наадамд Тува улсын 15, Халимагын 4, Буриадын 4, Өвөр Монголын хоёр бөх Монголын үндэсний их баяр наадмын бөхийн барилдаанд хүч үзнэ.