1 мин

BMW машинтай хүмүүс сар бүр 18 ам.доллароор суудлын халаалтаа цэнэглэдэг болно

Ub.life 2022.07.27

BMW компани машины суудлын халаалтыг тодорхой хугацаанд хэрэглэсний дараа төлбөртэй цэнэглэх шинэ үйлчилгээг зарлалаа. Одоогоор Япон, Малайз, Өмнөд Африк болон Европын хэд хэдэн оронд суудлын халаалтын захиалга эхэлжээ. Хэрэглэгч сар, жил, гурван жилээр суудлын халаалтаа цэнэглэх эсвэл нэг удаа төлбөр төлж машиныхаа насны туршийн хэрэглээг шийдэж болох юм.

Жишээ нь, Их Британид халаалттай суудлын төлбөрийг сар бүр 18 ам.доллар, жилийн 180 ам.доллар, бүх насны 450 ам.долларын гэх сонголтууд гаргажээ.

BMW өөр хэд хэдэн төрлийн сарын захиалгын үйлчилгээг ч нэвтрүүлээд буй. Алсын зайнаас машинаа асаах төхөөрөмж, машины гадна талын камер зэрэг нэмэлт үйлчилгээнүүд олны анхаарлыг татаж байна.

BMW сарын захиалгат үйлчилгээ санал болгож буй анхны машин үйлдвэрлэгч биш. GM компани 25 жилийн турш яаралтай тусламжийн OnStar үйлчилгээг санал болгож буй бол Tesla компани өөрөө жолоодох системийг 99 болон 199 ам.долларын сонголттойгоор санал болгодог билээ.

Нийтэлсэн: Т. Зулаа