Хайх зүйлээ бичнэ үү

3 мин

25 жил сэтгэл гутралаар шаналсан блоггерийн зөвлөж буй 12 "эрүүл" дадал


АНУ-ын блоггер Алекс Матерс 25 жилийн турш хүнд сэтгэл гутралд өртөн шаналж, найз нөхөд, гэр бүл, нийгмээс зайгаа аван, маш олон аз жаргалтай хором мөчийг мэдэрч чадалгүй өнгөрөөжээ. Эцэст нь тэр бага багаар өөрийгөө эдгээн, өөрийгөө болон амьдралыг хайрлах сэтгэлээ эргүүлэн авч, хүмүүст зөвлөгөө өгөх блог бичих болжээ. Түүний зөвлөж буй өдөр тутам хэрэгжүүлэх, эрүүл хүчирхэг сэтгэлийг бүрдүүлэх 12 дадлыг хуваалцаж байна. 

#1 Өөрийгөө "засах" гэж битгий хичээгээрэй

Сэтгэл зүйн хувьд хүчирхэг хүмүүс хагас дутуу, эвдэрхий, эмтэрсэн сэтгэлээ засах гэж, дүүргэх гэж, бүтэн болгох гэж нэгэнт хичээхээ больсон байдаг. Өөрийгөө өөрчлөх гэж оролдож, өөр хүн шиг болох гэж хэт хүчлээд л байвал өөрийгөө улам өвтгөх болно. Хүнд хэцүү, муу муухай талаа хүлээн зөвшөөрөхөөс эхлээрэй. Бид угаасаа л бүрэн дүүрэн. Харин хэзээ хэрхэн харах нь л чухал юм шүү. 

#2 Стресстэй бодлоо үгүйсгэх хэрэггүй

Хүн сайн муу бүх бодлоо захирч чадахгүй. Харин хүчирхэг сэтгэл зүйтэй хүмүүс сөрөг тавгүй бодлоо хүлээн зөвшөөрч чаддаг. Мэдрэмжээсээ зугтах бус хүлээн зөвшөөрч, тодорхойлж, дүгнэлт хийгээд, өөртөө удаан хадгалж явахгүй байх нь чухал. Стрессээ юунаас шалтгаалж буй "нэг сайхан" мэдрээд, өөр үр бүтээлтэй зүйлд анхаарлаа хандуулаарай. 

#3 Гүн амьсгал авч бодлоо намжаа

Сэтгэл түгшихэд элдэв янзын бодол төрж, ургуулан бодож хямардаг. Харин гүн амьсгал авахад зүрхний цохилт удааширч сөрөг таагүй мэдрэмж намжих болно. 

#4 Өнгөрсөн үеийг ардаа үлдээгээрэй

Нэг өдрийн өмнөх та өнөөдөр өөр хүн болсон. Өнгөрсөн үеийн хар бараан дурсамжуудаа байн байн эргэн бодож шаналалгүй одоо цагтаа анхаарал хандуулаарай. Дунд сургуульдаа дээрэлхүүлж байсан, эцэг эхтэйгээ таагүй харилцаатай байсан, өмнөх үерхлээсээ шархтай хоцорсон гэх зэрэг дурсамжаа өнгөрсөнд орхиж өөрийгөө чөлөөлснөөр одоо цагт шинээр эхэлж чадна шүү дээ. 

#5 Зай авах, хоосон чанарын гайхамшгийг олж хараарай 

< — — — — —>

Бодол болон хариу үйлдэл хоёртоо зай авах нь илүү хүчирхэг, тогтвортой сэтгэл зүйн үндэс юм. Уур уцаар, харын сэтгэл, цухал, бухимдал, гомдол зэрэг таагүй мэдрэмж төрөх үед зүрх сэтгэлдээ зай авч, хоосноос амгаланг мэдрэхийг хичээгээрэй. 

#6 Хүнд хэцүү байдлаас боломж сургамжийг олж хараарай

Бүхий л зовлон бэрхшээл өсөж хөгжих боломж юм. Өнөөдөр шархалж эмтэрч болох ч маргааш та амархан шаналахааргүй хүчирхэг хүн болсон байх болно. 

#7 Бие сэтгэлээ эрүүл байлгаарай

Бие махбод болон оюун санаа аль аль нь хүчирхэг байх нь чухал. Биеийн хүчний дасгал хийхэд оюун ухаан сэргэж, таагүй бодлууд арилдаг. 

#8 Тодорхой бус байдлыг тэвч

Бүх зүйлийг олж мэдэж, бүх зүйлийг удирдлага дороо тодорхой байлгах боломжгүй. Тодорхой бус байдлаас төвөгшөөж, яахаа үл мэдэн самгардах бус сэтгэлийн түгшүүрээ бага багаар эдгээхэд анхаараарай. 

#9 Өөрийн сонголтоор амьдар

Ихэнх хүмүүс амьдралаа бусдын нөлөөгөөр өөрчилж, бусдын үгэнд шархалж, бусдаас хамааралтай амьдардаг. Харин сэтгэл зүрхээ хүчирхэгжүүлснээр та өөрийн сонголтоор амьдрах болно. Аз жаргалыг, баяр хөөрийг, амар амгалан байдлыг сонгоорой. 

#10 Аажуу тайван байгаарай

Амьдралд завсарлага авч, хурдаа удаашруулахад юмс илүү тод томруун харагдаж эхэлдэг. Яарч, сандарч, самгардах тусам сэтгэлээр унасаар л байх болно. 

#11 Төсөөлөл ба эргэцүүллийг ялгаж сур

Ургуулан бодож, төсөөлөх үү эсвэл эргэцүүлэн тунгаах уу? Төсөөллөөсөө илүү бодит байдлыг эргэцүүлж, бодит одоо цагт анхаарах гээд хичээгээд үзээрэй. 

#12 Амьдралыг "зөөлөн" нүдээр хараарай

Бүхнийг шүүмжилж, өөртөө болон бусдад өндөр шаардлага тавьж, сөрөг таагүй зүйлст анхаарах тусам танд илүү хурц хүнд асуудал мэт санагдсаар л байх болно. Өөртөө болон бусдад зөөлөн хандаж, хайрлан энэрэхийг хичээгээрэй. 

Эх сурвалж: Alexmathers.net


Хамгийн их уншилттай
1
2022.09.09
Хатан хаан II Элизабетийн тухай "хайр хүргэм" 12 БАРИМТ
2
2022.09.13
Эммигийн тайзнаа Зендаяг Леонардо Ди Каприотой болзоход "хөгшдөх" тухай хошигнов
3
2022.09.20
“Би 2018 оны наймдугаар сарын 17-ноос шар өнгөнд дуртай болсон”
холбоотой мэдээ
1
Уржигдар
Жонни Дэппийн болзож буй өмгөөлөгч Жоэль Ричийн тухай 6 баримт
2
Уржигдар
ЭЕРЭГ МЭДЭЭ | Есдүгээр сард дэлхий дахинд өрнөсөн 9 эерэг үйл явдал
3
Уржигдар
Онцлох сайт: Солонгос, англи, хятад зэрэг таван хэлээр үнэгүй үлгэр сонсож, уншиж болох...
санал болгох
1
Уржигдар
Жонни Дэппийн болзож буй өмгөөлөгч Жоэль Ричийн тухай 6 баримт
2
Уржигдар
Онцлох сайт: Солонгос, англи, хятад зэрэг таван хэлээр үнэгүй үлгэр сонсож, уншиж болох...
3
Уржигдар
О.Анхзаяагийн "Lost in Sound" (Анирт алсрах нь) номоос онцлох 12 ЭШЛЭЛ

Энэ мэдээнд өгөх таны сэтгэгдэл?
0
0
3
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.