Нэгдүгээр ангид элсэх сурагчдын цахим бүртгэлийг маргаашнаас эхлүүлнэ
Энэ хичээлийн жилд Ерөнхий боловсролын сургуульд 750.661 хүүхэд суралцана. 12 дугаар ангийг 33 мянган хүүхэд төгсөж байгаа бөгөөд харин нэгдүгээр ангид 78 мянган сурагч элсэж байна.
Нэгдүгээр ангийн сурагчдын элсэлтийг цахимаар зохион байгуулна. Зургаан настай хүүхдүүдийн урьдчилсан хуваарилалт сургууль бүрд хийгдсэн бөгөөд эцэг эх, асран хамгаалагчид маргаашнаас эхлэн 25-ны өдрийг хүртэлх хугацаанд e-mongolia цахим системээр нэвтэрч баталгаажуулах юм. Улмаар энэ сарын 26-30-ны өдрүүдэд таны хүүхэд аль сургуулийн аль анги, бүлэгт хуваарилагдсаныг таны утсанд мессеж илгээн мэдэгдэх юм.