Нэгдүгээр ангийн цахим элсэлт өнөөдөр 17.00 цаг хүртэл үргэлжилнэ
Энэ хичээлийн жилд Ерөнхий боловсролын сургуульд 750.661 хүүхэд суралцана. 12 дугаар ангийг 33 мянган хүүхэд төгсөж байгаа бол нэгдүгээр ангид 78 мянган сурагч элсэх юм.
Нэгдүгээр ангийн цахим элсэлтийг энэ сарын 19-нөөс эхлүүлсэн бөгөөд өнөөдөр 17:00 цаг хүртэл үргэлжилнэ.
Зургаан настай хүүхдүүдийн урьдчилсан хуваарилалт сургууль бүрд хийгдсэн бөгөөд эцэг эх, асран хамгаалагчид дээрх хугацаанд багтаж e-mongolia цахим системээр нэвтрэн хүүхдийнхээ бүртгэлийг баталгаажуулах учиртай. Улмаар энэ сарын 26-30-ны өдрүүдэд таны хүүхэд аль сургуулийн аль анги, бүлэгт хуваарилагдсаныг утсанд тань мессеж илгээн мэдэгдэх болно. Өглөөний 9:00 цагийн байдлаар 71 мянган хүүхэд бүртгэлээ баталгаажуулаад буй юм.